Олӧм 32:2 - Коми Библия 2023

² Найӧс аддзигӧн Яков шуис: «Тайӧ Енлӧн тышкакотырыс». Та вӧсна нимтіс тайӧ местасӧ Маханаимӧн.

Олӧм 32:2 Referans Kwoze

Ӧксыяслӧн 2 небӧг 2:8

Нирлӧн Авенир пиыс, Сауллӧн тышкайӧзӧн веськӧдлысь, босьтіс Сауллысь Ишвошет писӧ да вайӧдіс Маханаимӧ.

Нав Исус 21:38

Гад чужанкотырлӧн Галаад муысь налы вичмис Рамот кар, кытчӧ вермас пышйыны морт виысь, да сыгӧгӧрса видзьяс. Налы вичмисны тшӧтш да Маханаим кар да сыгӧгӧрса видзьяс,

Нав Исус 5:14

Сійӧ вочавидзис: «Абу. Ме – Господьлӧн тышкакотырӧн веськӧдлысь. Та вӧсна ме тані». Исус кымынь уськӧдчис муас да копыртчӧмӧн юаліс: «Ыджыдӧй, мый висьталан меным, аслад кесйӧглы?»

Лука 2:13

Виччысьтӧг анделкӧд орччӧн тыдовтчис лыдтӧм-тшӧттӧм андел чукӧр. Найӧ ошкисны Енмӧс:

Псалтыр 148:2

Ошкӧй Сійӧс, став Сылӧн анделъяс, ошкӧй Сійӧс, став Сылӧн тышкакотыръяс!

Псалтыр 34:7

Ме нинӧм лёксӧ эг вӧч, но найӧ пуктісны нальк, медым кыйны менӧ, кодйисны джуджыд гу, медым босьтны менсьым олӧмӧс.

Ӧксыяслӧн 3 небӧг 2:8

Тэ тӧдан тшӧтш Бахуримысь Венямин чужанкотырысь Герлысь Шимей писӧ. Сійӧ лёкӧдіс-ёрис менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс.

Ӧксыяслӧн 2 небӧг 17:24

Давид локтіс Маханаимӧ, а Авессалом израильса тышкайӧзкӧд вуджис Йӧрдан ю сайӧ.

Даниил 10:20

Сійӧ шуис: «Тӧдан-ӧ, мыйла ме локті тэ дінӧ? Ӧні ме бӧр муна, медым вермасьны Персия муын юралысь анделкӧд. А кор ме верма сійӧс, сэки мекӧд вермасьны локтас Греция муын юралысь андел.

Псалтыр 103:21

Левъяс равзӧны, корсьӧны аслыныс кыйдӧс, корӧны Енмыслысь сёян.

Ӧксыяслӧн 4 небӧг 6:17

Сэсся Елисей кевмысис: «Господьӧй, восьт менам кесйӧглысь синсӧ, мед сійӧ аддзас». Господь восьтіс кесйӧглысь синсӧ, и мӧдыс аддзис, мый Елисей гӧгӧр керӧс пасьтала сулалӧны биа вӧвъяс да тарантасъяс.

Ӧксыяслӧн 3 небӧг 4:14

Иддолӧн Ахинадав пиыс юраліс Маханаимын,

Ӧксыяслӧн 2 небӧг 2:12

Нирлӧн Авенир пиыс мӧдӧдчис Маханаимсянь Гаваонӧ Ишвошетлӧн, Саул пилӧн, тышкайӧзкӧд.

1 Каднебӧг 12:22

Быд лун Давид дінӧ отсӧг вылӧ локтісны йӧз, и сылӧн тышкайӧзыс содіс да лои Енлӧн тышкакотыр мында.

Псалтыр 24:10

Господьлӧн туйясыс бурӧсь да веськыдӧсь налы, кодъяс видзӧны сьӧлӧмас Сылысь тшӧктӧмъяссӧ да йитӧдсӧ, мый Сійӧ кӧрталіс накӧд.