Олӧм 32:12 - Коми Библия 2023

¹² Тэ шуин, мый Тэ бур вӧчан меным, и кӧсйысин, мый месянь чужысьыс лоас саридздор лыа мында – сы мында, мый некод оз вермы найӧс лыддьынысӧ».

Олӧм 32:12 Referans Kwoze

Еврейяслы 6:17

Та вӧсна Ассьыс кӧсйысьӧмсӧ Енмыс вынсьӧдіс кыв сетӧмӧн, медым Сысянь кӧсйысьӧмсӧ босьтысьяслы бурджыка петкӧдлыны, мый Сылӧн мӧвпъясыс вежсьывлытӧмӧсь.

Титлы 1:2

да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.

2 Тимофейлы 2:13

Ми кӧ эновтам Сійӧс, Сійӧ оз эновт миянӧс, ӧд Ачыс Ассьыс соссьыны оз вермы.

Матвей 24:35

Енэжыс да муыс бырас, а Менам кывъясӧй оз бырны.

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Ӧксыяслӧн 1 небӧг 15:29

Израильлӧн эскана Енмыс оз пӧръясь да оз соссьы Аслас кывъясысь. Сійӧ абу морт, мед вежны шуӧм кывсӧ».

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Олӧм 32:6

Юӧр нуысьяс бӧр локтісны Яков дінӧ да шуисны: «Ми ветлім тэнад Исав вокыд дінӧ. Сійӧ ачыс локтӧ тэнӧ вочаавны, и сыкӧд локтӧ нёльсё морт».

Еврейяслы 11:12

Тадзи ӧти мортсянь, Ӧвраамсянь, коді вӧлі пӧрысь нин, чужис сы мында олысь, мыйта енэжас лыдтӧм-тшӧттӧм кодзулыс да саридз дорын лыаыс.

Ӧксыяслӧн 3 небӧг 4:20

Иуда да Израиль войтырлӧн лыдыс вӧлі саридздор лыа мында. Найӧ сёйисны-юисны да олісны нимкодясьӧмӧн.

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».