Олӧм 31:5 - Коми Библия 2023

⁵ Налы шуис: «Батьныдлӧн чужӧм сертиыс ме казялі, мый сійӧ кутіс мустӧмтны менӧ. Но менам батьӧйлӧн Енмыс мекӧд.

Олӧм 31:5 Referans Kwoze

Олӧм 48:15

Сэсся бурсиис Ӧсипӧс да шуис: – Енмыс, кодлысь кывзысисны менам Ӧвраам да Исаак батьясӧй, чужӧмсянь да ӧнӧдз видзис менӧ.

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

Олӧм 31:42

Эз кӧ вӧв мекӧд батьӧйлӧн Енмыс, Ӧвраамлӧн Енмыс, кодысь тшӧтш Исаак полӧ, тэ эськӧ ыстін менӧ куш киӧн. Енмыс аддзис менсьым мырсьӧмӧс да сьӧкыдалӧмӧс, та вӧсна дорйис менӧ войнас».

Олӧм 50:17

висьтавны тэныд, мед тэ прӧститан миянлысь мыжнымӧс да лёк вӧчӧмнымӧс. Ӧні прӧстит миянӧс, батьыдлӧн Енлысь кесйӧгъяссӧ». Ӧсип бӧрдіс тайӧ кывъяссӧ кывзігас.

Олӧм 32:9

Яков кевмысис: «Господьӧй, Ӧвраам батьлӧн Ен да Исаак батьлӧн Ен! Тэ тшӧктін меным бергӧдчыны аслам муӧ, аслам чужанінӧ, и кӧсйысин бур вӧчны меным.

Олӧм 31:13

Ме Ен, коді петкӧдчи тэныд Вефильын. Сэні тэ кисьтін вый вежа из вылӧ да кыв сетін Меным. Ӧні тэ чеччы, пет тайӧ мусьыс да бӧр мун аслад чужанінӧ. [Ме лоа тэкӧд.]”»

Олӧм 21:22

Сійӧ кадас Авимелек [Ахузаткӧд, коді колльӧдіс Авимелеклысь гӧтырпусӧ кӧлысь дырйи,] да тышкайӧзӧн веськӧдлысь Пикол шуисны Ӧвраамлы: «Тэкӧд Ен, Сійӧ быдторйын отсалӧ тэныд.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Олӧм 28:13

Господь сулаліс сэні да шуис: «Ме Господь, тэнад Ӧвраам батьлӧн Ен да Исааклӧн Ен. [Эн пов.] Мусӧ, кӧні тэ куйлан, Ме сета тэныд да тэсянь чужысьяслы.

Олӧм 28:15

Ме лоа тэкӧд. Ме видза тэнӧ быдлаын, кытчӧ тэ мунан, да бӧр вайӧда тэнӧ тайӧ муас. Ме ог коль тэнӧ, а вӧча сійӧ, мый кӧсйыси тэныд».

Олӧм 31:4

Яков тшӧктіс корны Ракельӧс да Лияӧс видз вылӧ, ыжъяс йирсянінӧ.

Олӧм 31:29

Ме верми тіянлы лёк вӧчны, но тӧрыт войнас тіян батьныдлӧн Ен шуис меным: ”Эн вид Яковӧс”.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».