Олӧм 31:35 - Коми Библия 2023

³⁵ Ракель шуис аслас батьыслы: «Эн скӧрмы, ыджыдӧй, мый ог вермы сувтны тэ водзӧ. Менам ӧні сійӧ, мый аньяслӧн овлӧ быд тӧлысьӧ». Лаван корсис [чом пасьталаысь], но эз аддзы гортса бӧлбанъяссӧ.

Олӧм 31:35 Referans Kwoze

Левит 19:32

Пыдди пукты пӧрысь мортӧс, чеччы сы водзын. Пов аслад [Господь] Енмысь. Ме – Господь [тіян Енныд].

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

1 Петыр 3:6

Сарра кывзысис Ӧвраамлысь да шуис сійӧс аслас ыджыдӧн. Ті кӧ вӧчанныд бурсӧ нинӧмысь повтӧг, сідзкӧ, ті – Сарралӧн нывъяс.

1 Петыр 2:18

Кесйӧгъяс, Енсьыс полӧмӧн кывзысьӧй асланыд ыджыдъяслысь. Кывзысьӧй энӧ сӧмын буръяслысь да рамъяслысь, а тшӧтш скӧръяслысь.

Ефесӧ 6:1

Челядь, кывзысьӧй бать-мамныдлысь Господь вӧсна, ӧд тайӧ лоӧ веськыд Сы водзын.

Ӧксыяслӧн 3 небӧг 2:19

Вирсавия муніс Соломон ӧксы дінӧ, медым сёрнитны Адонийлӧн корӧм йылысь. Ӧксы чеччис да копыртчылӧмӧн вочааліс Вирсавияӧс, сэсся пуксис аслас юралан пуклӧсӧ. Ӧксылӧн мамыслы тшӧтш вайисны пуклӧс. Вирсавия пуксис ӧксы веськыдладорӧ

Левит 19:3

Пыдди пуктӧй бать-мамнытӧ. Видзӧй Менсьым шойччан лунӧс. Ме – Господь, тіян Енныд.

Левит 15:19

Аслас тӧлысся дырйи ань сизим лун чӧж лоӧ пеж. Коді инмӧдчас сы дінӧ, рытӧдзыс лоӧ пеж.

Олӧм 31:19

Кор Лаван вӧлі ыж шыранінын, Ракель гусяліс сылысь гортса бӧлбанъяссӧ.

Олӧм 31:36

Яков скӧрмис да пондіс мыжавны Лаванӧс: «Мыйӧн ме тэ водзын мыжа? Кутшӧм лёктор тэныд вӧчи, мый тэ вӧтӧдін менӧ?