Олӧм 31:32 - Коми Библия 2023

³² Сійӧ, код ордысь аддзан енъястӧ, ловйӧн оз коль. Миян рӧдвуж дырйи видзӧдав, мый эм ме ордын. Сюрас кӧ мыйкӧ тэнад, бӧр босьт аслыд». [Но сійӧ нинӧм эз аддзы.] Яков эз тӧд, мый Ракель гусяліс идолъяссӧ.

Олӧм 31:32 Referans Kwoze

Олӧм 31:30

Тэ мунін, ӧд ёна гажтӧмтчин бать керкасьыд, но мыйла тэ гусялін менсьым енъясӧс?»

Олӧм 31:23

Сэки Лаван чукӧртіс [пиянсӧ да] ассьыс рӧдвужсӧ да вӧтчис Яков бӧрся. Сизимӧд луннас Галаад керӧсвыв муын вӧтӧдіс сійӧс.

Олӧм 31:19

Кор Лаван вӧлі ыж шыранінын, Ракель гусяліс сылысь гортса бӧлбанъяссӧ.

Олӧм 30:33

Ме кӧ ылӧдла тэнӧ, регыд мысти тэ ачыд казялан. Локтан кӧ видзӧдлыны менсьым ыж-кӧзаӧс да аддзан кӧ ме ордысь сертӧм-чуттӧм кӧзаясӧс либӧ сьӧд ыжъяс кындзи мӧд сера ыжъясӧс, сідзкӧ, найӧс тэнсьыд вӧлі гусялӧма».

Олӧм 19:7

да шыасис: «Вокъяс, энӧ вӧчӧй налы лёксӧ.

Олӧм 13:8

Ӧврам шуис Лотлы: «Ми ӧд рӧдвуж тэкӧд. Мыйла миянлы да миян ыж-мӧс видзысьяслы зыксьынысӧ?

Олӧм 31:31

Яков вочавидзис Лаванлы: «Ме полі тэысь, мый мырддян ассьыд нывъястӧ [да ставсӧ, мый менам эм].

Олӧм 31:33

Лаван корсьысис Яков чомйысь, Лия чомйысь, кык кесйӧг аньлӧн чомйысь, но эз аддзы. Та дырйи Ракель босьтіс гортса бӧлбанъяссӧ да дзебис верблюдлӧн ӧныр улӧ, а ачыс пуксис сэтчӧ. Лия ордысь петӧм бӧрын Лаван пырис Ракель чомйӧ, корсьысис гӧгӧр, но эз аддзы.