Олӧм 30:18 - Коми Библия 2023

¹⁸ Сэк Лия шуис: «Енмыс меным водзӧс сетіс сыысь, мый ме сеті ассьым кесйӧг аньӧс верӧслы». Сійӧ пуктіс пиыслы Иссакар ним [нимыслӧн вежӧртасыс ”водзӧс сетӧм”].

Олӧм 30:18 Referans Kwoze

1 Каднебӧг 12:32

Иссакар чужанкотырысь вӧліны кыксё юралысь, мывкыда йӧз, кодъяс тӧдісны, мый бурджык Израильлы. Накӧд вӧлі став налӧн рӧдыс.

Индӧд 33:18

Завулон чужанкотыр йылысь Мӧисей шуис: – Нимкодясь, Завулон, аслад ветлан-мунан туйясыд вылын, нимкодясь, Иссакар, аслад чомъясын.

Олӧм 46:13

Иссакарлӧн пияныс: Тол, Пув, Иов да Шимрон.

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.

Олӧм 30:17

Ен кыліс Лияӧс – сійӧ кынӧмасис да чужтіс Яковлы витӧд пиӧс.

Олӧм 30:19

Лия нӧшта кынӧмасис да чужтіс Яковлы квайтӧд пиӧс.

Восьтӧм 7:7

Симеон чужанкотырысь – дас кык сюрс, Левий чужанкотырысь – дас кык сюрс, Иссакар чужанкотырысь – дас кык сюрс,