Олӧм 30:1 - Коми Библия 2023

¹ Ракель гӧгӧрвоис, мый оз вермы чужтыны Яковлы кага. Та вӧсна кутіс вежавны аслас чойыслы. Яковлы сійӧ шуис: «Сет меным челядь, а он кӧ – ме кула».

Олӧм 30:1 Referans Kwoze

Иов 5:2

Мывкыдтӧмӧс виӧ сылӧн скӧрлуныс, вежӧртӧмӧс – дӧзмӧмыс.

Олӧм 29:31

Господь [Ен] аддзис, мый Лия эз вӧв радейтана, да сетіс сылы сьӧктыны, а Ракель эз вермы сьӧктынысӧ.

Олӧм 37:11

Вокъяс лӧгалісны Ӧсип вылӧ, а батьыс сьӧлӧмас босьтіс сылысь висьталӧмсӧ.

2 Коринфӧ 7:10

Ӧд Ен кӧсйӧм серти шогсьӧмыд бергӧдӧ мыжъясысь, а тасянь воӧ мездмӧм. Сідзкӧ, та йылысь жалитны оз ков! А мувывса шогъясыд вайӧдӧны кулӧмӧдз.

Яков 4:5

Гашкӧ, ті чайтанныд, мый Гижӧдыс весьшӧрӧ висьталӧ: «Вежӧгтӧмӧн радейтӧ лолыс, коді олӧ миян пытшкын».

Яков 3:14

Но тіян сьӧлӧмын кӧ эм курыд вежалӧм да асьтӧ радейтӧм, сідзкӧ, энӧ ошйысьӧй да асланыд ылӧгӧн энӧ вевттьӧй збыльсӧ.

1 Коринфӧ 3:3

ӧд ті вир-яй серти на оланныд. Тіян костын пыр на овлӧ вежалӧм, вензьӧм да юксьӧм. Сідзкӧ, ті вир-яй серти на оланныд, ті пыр на тайӧ муюгыдсаыс кодьӧсь.

Шусьӧгъяс 14:30

Лӧнь сьӧлӧмыд вир-яйтӧ бурдӧдӧ, вежӧгтӧмыд лыястӧ сісьтӧ.

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

Галатӧ 5:21

вежалӧм, виӧм, кодалӧм-гажӧдчӧм да мукӧд шогмытӧмтор на. Водзынсӧ висьтавлі нин, ӧні нӧшта висьтала: татшӧмторсӧ вӧчысьлы Енлӧн Юраланіныс оз вичмы.

Иоан 4:8

Исуслӧн велӧдчысьясыс вӧлі мунӧмаӧсь карӧ сёян ньӧбны.

Иоан 4:3

Сійӧ эновтіс Иудея му да бӧр муніс Галилеяӧ.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Псалтыр 106:16

Сійӧ кисьтіс ыргӧн дзиръяяс, жугліс кӧрт иганъяс.

Иов 13:19

Коді вермас вензьыны мекӧд? Вермас кӧ кодкӧ, ме дзик пыр ланьта да кула.

Иов 3:11

Мыйла ме эг чуж шойӧн, мыйла эг кув мам кынӧмысь петігӧн?

Ӧксыяслӧн 3 небӧг 19:4

ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».

Лыд 11:29

Но Мӧисей шуис сылы: «Ме вӧсна-ӧ тэ тӧждысян? Ме эськӧ кӧсйи, медым Господь став Аслас войтыр вылӧ мӧдӧдіс Ассьыс Ловсӧ, и ставныс вӧліны пророкъясӧн!»

Лыд 11:15

Татшӧм олӧм дорысь бурджык лоӧ, виан кӧ менӧ. Ло бур сьӧлӧма да ви менӧ, медым помасяс менам шогӧй!»

Шусьӧгъяс 30:16

Пыдӧстӧмин да нӧбасьтӧм кынӧм, ваӧн пӧтлытӧм му да би оз шуны, тырмас пӧ!

Ӧксыяслӧн 1 небӧг 1:10

Анналӧн сэтшӧма шогсис сьӧлӧмыс, мый сійӧ кыз синваӧн бӧрдіс-кевмысис Господьлы.