Олӧм 3:18 - Коми Библия 2023

¹⁸ Муыс кутас быдтыны йӧн да ёг турун, но сійӧ жӧ муыс кутас сетны тэныд сёян.

Олӧм 3:18 Referans Kwoze

Матвей 13:7

Кымынкӧ кӧйдыс усяс лежнӧг пӧвстӧ. Быдмигас лежнӧгыс пӧдтас петассӧ.

Исай 7:23

Сійӧ лунӧ виноград йӧръясын, кӧні сюрсъясӧн быдмисны виноград пуяс, донасьыс-дона пуяс, кутас быдмыны йӧн да ёг турун.

Иов 5:5

Сылысь видз-му быдтассӧ сёясны тшыгъялысьяс, чукӧртасны сійӧс весиг лежнӧг пӧвстысь, сылысь овмӧссӧ куштасны горш йӧз.

Еврейяслы 6:8

Муыс кӧ быдтӧ сӧмын йӧн да ёг турун – татшӧм муыс шогмытӧм, сійӧс лоӧ ёрӧма да сотӧма.

Еремей 4:3

Иудаын да Ерусалимын олысьяслы Господь тадзи висьталӧ: – Гӧрӧй аслыныд выль муяс, энӧ йӧн пӧвстӧ кӧдзӧй.

Исай 32:13

Менам войтырлӧн му вӧсна, ӧд сэні кутас быдмыны йӧн да ёг турун. Шогсьӧй гажӧдчысь керкаяс вӧсна, став гажӧдчысь карыс вӧсна,

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Шусьӧгъяс 22:5

Ылӧдчысьлӧн туйыс лежнӧга, тывъясӧн зэвтӧма, тэныд кӧ олӧмыд дона, эн мун сэтчӧ.

Иов 31:40

сэки шобді пыдди мед петас йӧн, ид пыдди – ёг турун. Тайӧ кывъяснас Иовлӧн сёрниыс помасис.

Нав Исус 23:13

сэки тӧдӧй, мый Господь, тіян Енныд, оз кут вӧтлыны тіян водзысь тайӧ войтыръяссӧ. Найӧ лоӧны тіянлы лэчкӧн да тывйӧн, тіянлысь мышкутӧ нӧйтысь орсӧн да синманыд пырысь ёгӧн, кытчӧдз онӧ бырӧй тайӧ бур му вывсьыс, мый сетіс тіянлы Господь, тіян Енныд.

Еремей 12:13

Менам войтырӧй кӧдзис шобді, а вундіс йӧн. Найӧ ёна мырсисны, но ставыс весьшӧрӧ. Мед тіянлы яндзим лоӧ нянь чукӧртіганыд, ӧд Господьлӧн яр скӧрлуныс вӧсна суис тіянӧс тайӧ.

Шусьӧгъяс 24:31

да аддзи: йӧрыс ставнас вӧлі тырӧма ёгӧн, пасьтала быдмӧма петшӧр, изйысь вӧчӧм потшӧсыс киссьӧма.

Псалтыр 104:2

Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!

Псалтыр 90:3

Господь видзӧ тэнӧ налькйӧ шедӧмысь, мездӧ тэнӧ пӧрӧс висьӧмысь.

Иов 1:21

Иов шуис: – Пасьтӧг ме петі мам кынӧмысь, пасьтӧг и бӧр муна. Господь сетіс, Господь и бӧр босьтіс. [Ӧд тадзи вӧлі шогмана Господьлы.] Мед лоӧ ошкӧма Господьлысь нимсӧ!

Римӧ 14:2

Ӧти эскӧ, мый позьӧ сёйны быдтор, а мӧдыс, жеб эскысьыс, сёйӧ сӧмын быдмӧг.

Олӧм 3:17

Адамлы Ен шуис: «Тэ вӧсна лоӧ ёрӧма мусӧ, ӧд тэ кывзысин гӧтырыдлысь да сёйин сійӧ пуысь, код йылысь Ме шулі тэныд: ”Эн сёй сэтысь”. Та вӧсна мырсьӧмӧн пондан перйыны кынӧмпӧттӧ нэм чӧжыд.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Исай 7:24

Сэтчӧ кутасны ветлыны ньӧввужйӧн да ньӧвъясӧн, ӧд муыс ставнас тырас йӧнмӧн да ёг турунӧн.