Олӧм 3:10 - Коми Библия 2023

¹⁰ Сійӧ вочавидзис: «Ме дзебси. Кылі, кыдзи Тэ ветлӧдлан сад йӧрын, и повзи, ӧд ме пасьтӧм».

Олӧм 3:10 Referans Kwoze

Олӧм 2:25

Кыкнанныс, Адам да сылӧн гӧтырыс, вӧліны пасьтӧмӧсь, но эз яндысьны ӧта-мӧдсьыныс.

Исай 57:11

Кодысь тэ полан, кодысь повзин сэтшӧмасӧ, мый эновтін Менӧ? Тэ вунӧдін Менӧ, он казьтывлы Ме йылысь. Ме дыр чӧв олі, гашкӧ, та понда тэ дугдін Меысь повнысӧ?

Исай 47:3

Мед тыдовтчас тэнад куш яйыд, мед аддзасны тэнсьыд яндзимтӧ. Ме водзӧс перъя, и некодӧс ог жалит.

Иов 23:15

Та вӧсна ме пола-тірала Сыысь, Сы йылысь мӧвпалігӧн менӧ полӧм босьтӧ.

Петӧм 3:6

Ен нӧшта шуис: «Ме тэнад батьлӧн Ен, Ӧвраамлӧн Ен, Исааклӧн Ен да Яковлӧн Ен». Мӧисей тупкис чужӧмсӧ, ӧд поліс видзӧдны Ен вылӧ.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Восьтӧм 16:15

«Со, Ме локта гусясьысь моз. Шуда сійӧ, коді оз узь, но видзӧ ассьыс паськӧмсӧ, медым эз коль пасьтӧг да некод эз янӧд сійӧс».

Петӧм 32:25

Мӧисей аддзис, мый войтырыс этшсӧ оз тӧд. Аарон вӧсна вӧрӧглӧн лои помка янӧдны Израиль войтырӧс.

Олӧм 3:7

Сэки налӧн кыкнанныслӧн воссисны синъясыс, и найӧ гӧгӧрвоисны, мый пасьтӧмӧсь. Найӧ кӧрталісны косканыс инжир пу коръясысь вевттьӧд.

Олӧм 3:11

Ен шуис: «Коді тэныд висьталіс, мый тэ пасьтӧм? Эн-ӧ тэ сёй сійӧ пуысь, кытысь Ме ӧлӧді тэнӧ сёйнысӧ?»

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.

Петӧм 20:19

Найӧ шуисны Мӧисейлы: «Тэ сёрнит миянкӧд, а ми кутам кывзыны. Енмыс мед оз сёрнит миянкӧд, медым ми эгӧ кулӧй».

Индӧд 5:25

А ӧні мыйла миянлы кувнысӧ? Ӧд тайӧ ыджыд биыс сотас-ньылыштас миянӧс. Ми кулам, нӧшта кӧ ӧтчыдысь кылам миян Господь Енлысь гӧлӧс шысӧ.

Иов 31:33

Мукӧдыс моз кӧ ме вевтти лёк вӧчӧмӧс, питшӧгӧ дзеби мыжӧс,