Олӧм 29:32 - Коми Библия 2023

³² Лия нӧбасис да чужтіс [Яковлы] пиӧс, пуктіс сылы Рувим ним, ӧд шуис: «Господь аддзис менсьым шогсьӧмӧс [да сетіс меным пи]. Ӧні верӧсӧй кутас радейтны менӧ».

Олӧм 29:32 Referans Kwoze

Индӧд 26:7

Но ми шыасим отсӧгла Господь дінӧ, миян батьяслӧн Ен дінӧ, и Господь кыліс миянӧс. Сійӧ аддзис миянлысь шогнымӧс, мырсьӧмнымӧс да миянӧс дзескӧдӧмсӧ.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Лука 1:25

«Господь вӧчис тайӧс. Сійӧ бергӧдчис мелань да вештіс менсьым йӧз водзын яналӧмӧс».

Ӧксыяслӧн 2 небӧг 16:12

Гашкӧ, Господь аддзас, кыдзи увтыртӧны менӧ, да менӧ ёрӧмысь бурӧн мынтысяс меным».

Ӧксыяслӧн 1 небӧг 1:20

Анна кутіс нӧбасьны. Кад мысти сійӧ чужтіс пиӧс да пуктіс сылы Самуил ним, ӧд шуис, Господьлысь [Ен Саваофлысь] пӧ ме кори сійӧс.

Ӧксыяслӧн 1 небӧг 1:11

Анна кыв сетіс Сылы: «Господь Саваоф, [Ставсӧвермысь Енмӧй,] эн вунӧд менӧ, Ассьыд кесйӧгтӧ! Видзӧдлы менам шогсьӧм вылӧ, казьтышт менӧ! Господьӧй, сетан кӧ меным пиӧс, ме сета сійӧс Тэныд пыр кежлӧ. Сійӧ [вина-сур оз кут юны,] юрсисӧ некор оз шыр».

Олӧм 42:27

Вой кежлӧ сувтліганыс вокъяс пӧвстысь ӧти восьтіс мешӧксӧ, мед вердыштны осёлсӧ, да аддзис мешӧк вомсьыс ассьыс сьӧмсӧ.

Олӧм 42:22

Рувим шуис налы: «Эг ӧмӧй шулы тіянлы, мед зонмыслы лёксӧ энӧ вӧчӧй? Но ті энӧ кывзысьӧй. Ӧні сылӧн вирысь ми водзӧс мынтам».

Олӧм 31:42

Эз кӧ вӧв мекӧд батьӧйлӧн Енмыс, Ӧвраамлӧн Енмыс, кодысь тшӧтш Исаак полӧ, тэ эськӧ ыстін менӧ куш киӧн. Енмыс аддзис менсьым мырсьӧмӧс да сьӧкыдалӧмӧс, та вӧсна дорйис менӧ войнас».

1 Каднебӧг 5:1

Рувим вӧлі Израильлӧн медводдза пи, но сійӧ узис аслас батьыслӧн гӧтыръяс пиысь ӧтикӧд да воштіс медводдза чужысьлысь нимсӧ. Медводдза чужысьлӧн нимыс вуджис Израильлӧн Ӧсип пиянлы.

Олӧм 16:11

Тэ ӧні кынӧма. Тэ чужтан пиӧс да пуктан сылы Измаил ним, ӧд тэнад шоглун дырйи Господь кыліс тэнӧ.

Олӧм 37:29

Кор Рувим локтіс юкмӧс дорӧ да аддзис, мый Ӧсип вокыс абу сэні, косяліс ассьыс паськӧмсӧ.

Олӧм 35:22

Тайӧ муас Израильлӧн олігӧн Рувим узис батьыслӧн Валла кесйӧг-гӧтыркӧд. Та йылысь кыліс Израиль [да скӧрмис]. Яковлӧн вӧлі дас кык пи.

Олӧм 29:31

Господь [Ен] аддзис, мый Лия эз вӧв радейтана, да сетіс сылы сьӧктыны, а Ракель эз вермы сьӧктынысӧ.

Лыд 1:5

Рувим чужанкотырысь Шедеурлӧн Элицур пиыс,

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.

Индӧд 27:13

А Рувим, Гад, Асир, Завулон, Дан да Неффалим чужанкотыръяс мед сувтасны Эвал керӧс вылӧ да ёрасны.

Езекиль 48:6

Ефрем чужанкотырлӧн му лунвывладорын асыввывсянь рытыввылӧдз лоӧ Рувим чужанкотырлӧн муыс.