Олӧм 29:25 - Коми Библия 2023

²⁵ Асывнас Яков аддзис, вӧлӧмкӧ, узьӧма Лиякӧд. Яков шуис Лаванлы: «Мый тэ вӧчин мекӧд! Эг-ӧ ме Ракель вӧсна кесъяв тэныд? Мыйла тэ ылӧдлін менӧ?»

Олӧм 29:25 Referans Kwoze

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Шусьӧгъяс 11:31

Веськыда олысьлы кӧ му вылас олігӧн на мынтысьӧны, дерт нин, лёк вӧчысьлы да мыжа мортлы мынтысясны.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!

1 Коринфӧ 3:13

но уджыс быдӧнлӧн ас кадӧ тыдовтчас. Тайӧс петкӧдлас мыждан луныс, ӧд сійӧ биӧн воас. Сэки биыс быдӧнлысь уджсӧ тӧдмалас.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Олӧм 12:18

Фараон корис Ӧврамӧс да шуис: «Мый тэ вӧчин мекӧд? Мыйла тэ эн висьтав, мый сійӧ тэнад гӧтыр?

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Матвей 7:12

Мый кӧсъянныд, медым йӧзыс вӧчисны тіянлы, сійӧс и ті вӧчӧй налы. Тадзи Индӧд да пророк гижӧдъяс велӧдӧны».

Олӧм 20:9

Авимелек корис Ӧвраамӧс да шуис: «Мый тэ вӧчин миянкӧд? Мыйӧн ме мыжа тэ водзын, мый татшӧм сьӧкыд мыжӧ тэ кыскин менӧ да менсьым войтырӧс? Тадзи ӧмӧй позьӧ вӧчны?»

Олӧм 26:10

Авимелек шуис: «Мый тэ миянкӧд вӧчин! Менам войтырысь ӧти морт муртса эз узь сыкӧд, тадзи тэ вӧсна ми эськӧ ставным мыжмим».

Олӧм 29:24

Лаван ассьыс Зелфа кесйӧг аньсӧ сетіс Лиялы.

Олӧм 29:26

Лаван шуис: «Ми ыджыд чойсьыс водзджык ичӧтджыксӧ верӧс сайӧ огӧ сетӧй.

Олӧм 31:7

А сійӧ кымынысь пӧрйӧдліс менӧ, дасысь удждонӧс вежліс. Но Енмыс эз лэдз сылы меным лёксӧ вӧчны.

Руфа 4:11

Карса дзиръя дорын став йӧзыс да юрнуӧдысьяс шуисны: «Да, ми кывлім да аддзылім. Тэнад керкаӧ пырысь гӧтыртӧ Господь мед вӧчас Ракель да Лия кодьӧн, кодъяссянь чужис Израиль войтыр. Озырмӧдчы Епрафаын, нимав Виплиемын!

Ӧксыяслӧн 1 небӧг 28:12

Ань кор аддзис Самуилӧс, гораа горӧдіс. Сэсся шыасис Саул дінӧ: «Тэ – Саул! Мыйла тэ менӧ пӧръялін?»

Олӧм 29:16

Лаванлӧн вӧлі кык ныв: ыджыдджыкыс – Лия, ичӧтджыкыс – Ракель.

Олӧм 31:26

Лаван шуис Яковлы: «Мый тэ вӧчин! Тэ ылӧдлін менӧ! Тышын шедӧдӧмаясӧс моз тэ пышйӧдін менсьым нывъясӧс.