Олӧм 29:2 - Коми Библия 2023

² Мунігас аддзис видз-му вылысь юкмӧс, кӧні юктавлісны ыжъясӧс. Юкмӧс гӧгӧрыс куйліс куим ыж чукӧр. Юкмӧссӧ вӧлі тупкӧма ыджыд изйӧн.

Олӧм 29:2 Referans Kwoze

Иоан 4:6

Сэні вӧлі Яковлӧн юкмӧс. Дыр мунӧмысла Исус мудзис да пуксис шойччыштны юкмӧс дорас. Вӧлі луншӧр гӧгӧр.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Восьтӧм 7:17

Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Псалтыр 23:2

Господь пуктіс мулысь подувсӧ саридзьяс вылӧ, сувтӧдіс сійӧс юяс вылӧ.

Олӧм 24:13

Со татчӧ, юкмӧс дорӧ, кӧні ме сулала, локтӧны карса нывъяс ва гумлавны.

Олӧм 24:11

Рытгорувнас сувтӧдіс верблюдъяссӧ кар ортсыас, ва юкмӧс дорӧ, буретш сійӧ кадас, кор аньяс волывлісны ва гумлавны.

Олӧм 24:10

Кесйӧг босьтіс Ӧвраам ыджыдыслӧн верблюд чукӧрысь дас верблюдӧс да сылӧн озырлунысь быдсикас донаторсӧ, сэсся мӧдӧдчис Месопотамияӧ, Нахорлӧн карӧ.

Олӧм 29:3

Кор сэтчӧ чукӧртлісны став ыжсӧ, ыж видзысьяс вештылісны изсӧ юкмӧс вомсьыс да юктавлісны ыжъяссӧ, а сэсся изнас бӧр тупкылісны юкмӧс вомсӧ.

Ёрдысьяс 5:11

Юкмӧс дорын ыжъясӧс юкталысьяс сьылӧны Господьлӧн вермӧм йылысь, ошкӧны израильса юралысьясӧс. Господьлӧн войтырыс дзиръя дорӧ локтӧма.