Олӧм 29:18 - Коми Библия 2023

¹⁸ Яковлы мусмис Ракель. Та вӧсна Яков шуис Лаванлы: «Тэнад ичӧтджык Ракель ныв вӧсна ме кута уджавны тэныд сизим во».

Олӧм 29:18 Referans Kwoze

Осий 12:12

Яков пышйис Арам муӧ, Израиль кесъяліс гӧтырпуыс вӧсна, гӧтырпуыс вӧсна сійӧ видзис ыжъясӧс.

Олӧм 34:12

Урчитӧй медыджыд дон да козинъяс. Ме сета, мый коранныд, сӧмын сетӧй меным гӧтырӧ тайӧ нывсӧ».

Осий 3:2

Ме ньӧби ассьым гӧтырӧс, сеті сыысь дас вит эзысь сьӧм, нӧшта ӧти да джын хомер мында ид.

Ӧксыяслӧн 2 небӧг 3:14

Давид мӧдӧдіс йӧзӧс Сауллӧн Ишвошет пи дінӧ да тшӧктіс висьтавны: «Бӧр сет меным Мелкола гӧтырӧс. Сы вӧсна ме коркӧ сё филистимсаӧс вундышті».

Олӧм 31:41

Тадзи вӧлі кызь во чӧж тэ ордын олігӧн. Ме кесъялі тэныд дас нёль во кыкнан нылыд вӧсна да квайт во пемӧсъясыд вӧсна, а тэ дасысь удждонӧс вежлін.

Олӧм 29:30

Яков узис Ракелькӧд. Сійӧ радейтіс Ракельӧс Лия дорысь ёнджыка да кесъяліс Лаванлы нӧшта на сизим во.

Олӧм 29:20

Яков кесъяліс Ракель вӧсна сизим во. Воясыс лэбыштісны, быттьӧ лун-мӧд коли, ӧд сылы сэтшӧм муса вӧлі Ракель.

Олӧм 24:67

Исаак пыртіс Ревеккаӧс аслас Сарра мамыслӧн чомйӧ. Ревекка лои сылы гӧтырӧн. Исаак радейтіс Ревеккаӧс, тадзи сійӧ вунӧдіс мам вӧсна шогсӧ.

Олӧм 29:19

Лаван шуис: «Мӧд сайӧ дорысь бурджык тэ сайӧ нылӧс сетны. Ов ме ордын».

Олӧм 30:26

Сет меным гӧтыръясӧс да челядьӧс, ӧд на вӧсна ме кесъялі тэныд. Тэ тӧдан, мый ме тэныд бура кесъялі».