Олӧм 27:38 - Коми Библия 2023

³⁸ Но Исав шуис: «Батьӧй, тэнад ӧмӧй сӧмын ӧти бурсиӧм? Бурси тшӧтш менӧ, батьӧй!» [Исаак чӧв оліс.] Исав ыджыд гӧлӧсӧн бӧрддзис.

Олӧм 27:38 Referans Kwoze

Еврейяслы 12:17

Ті ӧд тӧданныд, мый бӧрыннас Исав кӧсйис босьтны бурсиӧмсӧ, но сійӧс вӧлі ӧтдортӧма. Исав бӧрдӧмӧн корис бурсиӧм, но вежны батьыслысь мӧвпъяссӧ эз нин вермы.

Олӧм 27:34

Батьыслысь кывъяссӧ кылӧм бӧрын Исав ырзӧмӧн бӧрддзис да гораа горӧдіс. Сэсся корис: «Батьӧй, бурси тшӧтш менӧ!»

Исай 65:14

Менам кесйӧгъясӧй пондасны нимкодясьны, а тіянлы лоӧ юръяндзим. Менам кесйӧгъясӧй пондасны сьывны, налӧн сьӧлӧмныс тырас ыджыд нимкодьлунӧн, а ті понданныд горзыны шогсьӧмныдла, понданныд бӧрдны лов топӧдӧмысь.

Олӧм 49:28

Тайӧ – Израильлӧн дас кыкнан чужанкотырыс. Пиянсӧ бурсиигас батьныс висьталіс ставсӧ тайӧс. Сійӧ быдӧнӧс бурсиис торйӧн.

Олӧм 27:36

Исав шуис: «Абу весьшӧрӧ сійӧ Яков нима – кык пӧрйӧ конйыштіс менӧ. Медводдза чужысь нимӧс босьтіс, и бурсиӧмӧс босьтіс». Исав юаліс на батьыслысь: «Меным ӧмӧй тэ эн коль бурсиӧмсӧ?»

Ӧксыяслӧн 1 небӧг 11:4

Мӧдӧдӧмаяс локтісны Гиваӧ, Сауллӧн чужан карӧ, да висьталісны войтырлы Нахашлысь кывъяссӧ. Ставныс ырзӧмӧн кутісны бӧрдны.