Олӧм 27:29 - Коми Библия 2023

²⁹ Войтыръяс мед кесъяласны тэныд, чужанкотыръяс мед копыртчасны тэныд. Вокъясыд вылын ло ыджыдӧн, мамыдлӧн пияныс мед копыртчасны тэныд. Тэнӧ ёрысьясӧс лоӧ ёрӧма, тэнӧ бурсиысьясӧс лоӧ бурсиӧма!

Олӧм 27:29 Referans Kwoze

Лыд 24:9

Ті воданныд да куйланныд левъяс моз. Коді лысьтас чеччӧдны тіянӧс? Тіянӧс бурсиысьясӧс лоӧ бурсиӧма, тіянӧс ёрысьясӧс – ёрӧма.

Олӧм 12:3

Тэнӧ бурсиысьӧс Ме бурсиа, тэнӧ ёрысьӧс Ме ёра. Тэ пыр вуджас бурсиӧмыс быд войтырлы».

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Псалтыр 72:8

Найӧ сералӧны да лёкӧдӧны, суклясьӧны да ышнясьӧмӧн сёрнитӧны.

Ӧксыяслӧн 3 небӧг 22:47

Эдом муын сэки эз вӧв ӧксыыс, муӧн веськӧдліс юралысь.

Лыд 23:8

Но кыдзи ме верма ёрны сійӧс, кодӧс Енмыс оз ёр? Кыдзи ме верма лёкӧдны сійӧс, кодӧс Господь оз лёкӧд?

Олӧм 37:7

ми быттьӧ кӧртавлам кольтаяс вундӧм му вылын. Сэсся менам кольтаӧй сувтіс, а тіян кольтаясныд сувталісны гӧгӧрыс да копыртчылісны менам кольталы».

Олӧм 27:37

Исаак вочавидзис: «Ме пукті сійӧс тэ вылын ыджыднас. Вокъяссӧ сеті сылы кесйӧгӧ. Сеті нянь да вина. Мый ме верма сетны тэныд, пиӧй?»

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Матвей 25:45

Сійӧ вочавидзас: ”Веськыда висьтала тіянлы: тайӧс кӧ ті энӧ вӧчӧй ичӧтъяс пиысь ӧтилы, сідзкӧ, энӧ вӧчӧй Меным”.

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

1 Каднебӧг 5:2

Иуда вӧлі медся тӧдчана аслас вокъяс пӧвстын, и сылӧн рӧдысь петіс юралысь, но медводдза чужысьлӧн нимыс вуджис эз сылы, а Ӧсиплы.

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Олӧм 25:33

Яков шуис: «Медводз кыв сет меным». Исав кыв сетіс, тадзи вузаліс Яковлы ассьыс медводдза чужысьлысь нимсӧ.

Олӧм 9:27

А Яфетлысь рӧдсӧ Ен мед паськӧдас Сим рӧдлӧн оланінӧдз. И налы кыкнанныслы мед кесъялас Ханаан».

Олӧм 27:30

Исаак сӧмын на бурсиис Яковӧс, да Яков петіс аслас батьыс ордысь, кыйсянінысь локтіс Исав вокыс.

Олӧм 27:40

Шыпурт помысь тэ кутан овны, аслад вокыдлы кутан кесъявны. Но воас кад, тэ сылы паныд кыпӧдчан, голя вывсьыд сылысь сийӧссӧ шыбитан.

Олӧм 37:10

Кор сійӧ висьталіс тайӧс батьыслы да вокъясыслы, батьыс видыштіс сійӧс: «Мыйсяма вӧтъяс тэ вӧталан? Меным, мамыдлы да вокъясыдлы ӧмӧй ковмас локны да муӧдз копыртчыны тэныд?»

Лыд 24:18

Эдомӧс лоӧ вермӧма, Сеир керӧсвыв муӧс вӧрӧг босьтас аслас кипод улӧ. Израиль петкӧдлас ассьыс вынсӧ.

Исай 60:12

Но войтыръясӧс, кодъяс оз кутны кесъявны тэныд, дзикӧдз лоӧ бырӧдӧма.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.