Олӧм 26:28 - Коми Библия 2023

²⁸ Найӧ шуисны: «Тэкӧд збыльысь Господь! Ми кӧсъям сёрнитчыны тэкӧд. Сет миянлы кыв,

Олӧм 26:28 Referans Kwoze

Исай 61:9

Насянь чужысьясӧс нимӧдасны войтыръяс пӧвстын, найӧс аддзысьяс гӧгӧрвоасны, мый тайӧ войтырсӧ бурсиӧма Господь.

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Нав Исус 3:7

Господь шуис Исуслы: «Талун Ме нимӧда тэнӧ став Израиль войтыр водзын. Найӧ тӧдмаласны, мый Ме тэкӧд, кыдзи вӧлі и Мӧисейкӧд.

Олӧм 39:5

Сійӧ кадсяньыс Господь бурсиис египетсалысь керкасӧ Ӧсип вӧсна. Господьлӧн бурсиӧм улын вӧлі ставыс: керка-йӧрыс и видз-муыс.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Еврейяслы 6:16

Йӧзыс кыв сетӧны ас дорсьыс ыджыдджык водзын. Кыв сетӧмыд вынсьӧдӧ шуӧмтӧ да пуктӧ пом став вензьӧмлы.

1 Коринфӧ 14:25

сэки сылӧн гуся мӧвпъясыс воссясны. Тайӧ мортыс копыртчас Ен водзӧ да шуас: «Енмыс збыльысь тіянкӧд!»

Исай 61:6

А тіянӧс пондасны шуны Господьлы кесъялысь попъясӧн, миян Енлӧн кесйӧгъясӧн. Ті понданныд вӧдитчыны войтыръяслӧн озырлунӧн, налӧн нималӧмыс вичмас тшӧтш тіянлы.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

2 Каднебӧг 1:1

Давидлӧн Соломон пиыс лои вына ӧксыӧн. Господь, сылӧн Енмыс, вӧлі сыкӧд и вылӧ кыпӧдіс сійӧс.

Олӧм 24:41

Но менам рӧдвужӧй кӧ оз сетны нывсӧ, кор тэ ветлан на дінӧ, сэки тэ мынан кыв сетӧмсьыд”.

Олӧм 24:3

кыв сет Господь водзын, енэжыслӧн да муыслӧн Ен водзын, мый Исаак пиӧйлы гӧтырсӧ тэ он вай ханаан войтырысь, кодъяс пӧвстын ме ола,

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Олӧм 31:44

Ӧні тэа-меа кӧрталам йитӧд». [Сэк Яков шуис сылы: «Миянкӧд тані некод абу. Но тӧд, Енмыс кылӧ тэа-меаӧс».]

Олӧм 39:3

и ыджыдыс аддзис, мый Господь Ӧсипкӧд да бурсиӧ сылысь став уджсӧ.

Ӧксыяслӧн 1 небӧг 11:1

[Тӧлысь мысти] локтіс аммон войтырысь Нахаш да кытшаліс Галаад муын Явис кар. Явис карын олысьяс шуисны Нахашлы: «Кӧртав миянкӧд бурасян йитӧд, и ми пондам кесъявны тэныд».

Ӧксыяслӧн 1 небӧг 18:28

Саул аддзис, мый Господь Давидкӧд. Сійӧ тӧдіс, мый [став Израиль войтыр да] Мелкола нылыс радейтӧ Давидӧс.

2 Каднебӧг 15:9

Аса чукӧртіс Иуда да Венямин чужанкотыръяс, тшӧтш на пӧвстӧ Ефрем, Манассей да Симеон чужанкотыръясысь овмӧдчӧм йӧзӧс. Ӧд Израиль войтыр пӧвстысь унаӧн сувтісны Аса дор, кор найӧ аддзисны, мый сыкӧд Господь, сылӧн Енмыс.