Олӧм 25:6 - Коми Библия 2023

⁶ Олігас на сійӧ сеталіс козинъяс кесйӧг-гӧтыръясыслӧн пияныслы да ыстіс найӧс Исаак пи дорсьыс ылӧджык, асыввыв муясӧ.

Олӧм 25:6 Referans Kwoze

Олӧм 21:14

Ӧвраам чеччис водз асывнас, босьтіс нянь да кучик дозйын ва, ӧшӧдіс нопсӧ Агарлы пельпом вылас да ыстіс сійӧс пиыскӧд. Агар муніс да вошис Бер-Шева овтӧминын.

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Ап. уджъяс 14:17

Но бур вӧчӧмнас Сійӧ век казьтывліс да казьтывлӧ Ас йывсьыс: ыстӧ миянлы енэжсяньыс зэр, сетӧ ас кадӧ вотӧс-быдтас, пӧткӧдӧ миянӧс да гажӧдӧ миянлысь сьӧлӧмнымӧс».

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Иов 1:3

Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Ёрдысьяс 19:4

Батьыс нимкодьпырысь паныдаліс зятьсӧ да ёна корис сійӧс олыштны на ордын. Куим лун левит оліс тесьт ордас, сёйис-юис сыкӧд.

Олӧм 35:22

Тайӧ муас Израильлӧн олігӧн Рувим узис батьыслӧн Валла кесйӧг-гӧтыркӧд. Та йылысь кыліс Израиль [да скӧрмис]. Яковлӧн вӧлі дас кык пи.

Олӧм 32:22

Войнас Яков чеччис, босьтіс кыкнан гӧтырсӧ, кыкнан кесйӧг аньсӧ, дас ӧтикнан писӧ да келӧмӧн вуджис Явок ю.

Олӧм 25:1

Ӧвраам выль пӧв гӧтрасис. Сылӧн Кетура нима гӧтырыс

Олӧм 16:3

Сара сетіс Агарӧс аслас верӧслы гӧтыр пыдди. Тайӧ лои Ӧврамлӧн Ханаан муӧ овмӧдчӧмсянь дас во мысти.

Олӧм 30:9

Лия гӧгӧрвоис, мый дугдіс чужтынысӧ, та вӧсна ассьыс Зелфа кесйӧг аньсӧ сетіс гӧтырӧ Яковлы [и Яков узис сыкӧд].

Олӧм 30:4

Ракель сетіс Валлаӧс Яковлы гӧтырӧ, и Яков узис сыкӧд.

2 Каднебӧг 11:21

Аслас став гӧтырыс пӧвстысь Ровоам ёнджыка радейтіс Авессаломлысь Маака нывсӧ. Ровоамлӧн вӧлі дас кӧкъямыс гӧтыр да квайтымын кесйӧг-гӧтыр. Найӧ чужтісны сылы кызь кӧкъямыс пиӧс да квайтымын нылӧс.

Олӧм 29:1

Яков мӧдӧдчис асыввывса войтырлӧн муясӧ [арамей Бетуэллӧн Лаван пиыс дінӧ, коді вӧлі Ревеккалӧн вокыс, Яковлӧн да Исавлӧн чожныс].