Олӧм 25:20 - Коми Библия 2023

²⁰ Исааклы вӧлі нелямын арӧс, кор сійӧ босьтіс гӧтырӧ Бетуэллысь Ревекка нывсӧ, Лаванлысь чойсӧ. Найӧ вӧліны Месопотамияын олысь арамейяс.

Олӧм 25:20 Referans Kwoze

Олӧм 24:29

Кор Ревеккалӧн Лаван вокыс аддзис чойыслӧн киысь ныркытш да сойкытшъяс и кыліс, мый шуӧма Ревеккалы локтӧм морт, Лаван котӧрӧн петіс юкмӧс дорӧ. Сэні верблюдъяс дінас сулаліс Ӧвраамлӧн кесйӧгыс.

Олӧм 24:67

Исаак пыртіс Ревеккаӧс аслас Сарра мамыслӧн чомйӧ. Ревекка лои сылы гӧтырӧн. Исаак радейтіс Ревеккаӧс, тадзи сійӧ вунӧдіс мам вӧсна шогсӧ.

Олӧм 22:23

Бетуэллӧн чужис Ревекка. Тайӧ кӧкъямыснан писӧ Ӧвраамлӧн Нахор воклы чужтіс Милка.

Индӧд 26:5

И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.

Олӧм 31:24

Войнас узигас арамей Лаванлы петкӧдчис Ен. Сійӧ шуис: «Эн вид Яковӧс».

Олӧм 31:20

Нинӧм висьтавтӧг Яков пышйис арамей Лаван дорысь

Олӧм 31:18

босьтіс аскӧдыс став озырлунсӧ да став ыж-мӧссӧ, мый сійӧ нажӧвитіс Месопотамияын, и мӧдӧдчис Ханаан муӧ Исаак батьыс дінӧ.

Лука 4:27

Елисей пророк дырйи Израильын унаӧн висисны проказаӧн, но сирияса Нееманысь кындзи некод эз бурд».

Олӧм 35:9

Месопотамияысь локтӧм бӧрын [Лузын] Яковлы бара петкӧдчис Ен да бурсиис сійӧс.

Олӧм 24:15

Кесйӧглӧн кевмысигкості локтіс Ревекка, Бетуэллӧн нылыс. Бетуэл вӧлі Нахорлӧн да Милкалӧн пи, а Нахор вӧлі Ӧвраамлӧн вок. Ревеккалӧн пельпом вылас вӧлі гырнич доз.

Олӧм 25:26

Мӧдыс петіс Исав вокыслы коклябӧрас кутчысьӧмӧн. Сылы пуктісны Яков ним. Исааклы вӧлі квайтымын арӧс, кор найӧ чужисны.

Олӧм 28:2

Мун Месопотамияӧ, мамыдлӧн Бетуэл батьыс дінӧ да сэтысь мамыдлӧн Лаван вок нывъяс пӧвстысь ӧтиӧс босьт гӧтырӧ.

Олӧм 28:7

Исав аддзис, мый Яков кывзысис бать-мамыслысь да муніс Месопотамияӧ.

Олӧм 33:18

Месопотамияысь бура воӧдчӧм бӧрын Яков локтіс Ханаан муӧ, Сикем карӧ, да сувтӧдіс чомсӧ кар бокӧ.

Олӧм 35:26

Лиялӧн Зелфа кесйӧг аньыс чужтіс Гад да Асир пиянӧс. Яковлӧн став тайӧ пияныс чужисны Месопотамияын.

Олӧм 46:15

Тайӧ Яковлӧн да Лиялӧн пияныс, нӧшта пияныслӧн пияныс – ставнас комын куим морт. Лия чужтіс пиянсӧ да Дина нывсӧ Месопотамияын.

Олӧм 27:43

Кывзы менӧ, пиӧй. Чеччы да пышйы [Месопотамияӧ] Лаван вокӧй ордӧ Харанӧ.