Олӧм 24:7 - Коми Библия 2023

⁷ Господь, енэжыслӧн [да муыслӧн] Ен, коді петкӧдіс менӧ бать керкаысь да чужан муысь, коді сёрнитіс мекӧд да кыв сетіс, мый тайӧ мусӧ сетас [меным да] месянь чужысьяслы, мӧдӧдас Ассьыс анделсӧ тэ водзын, и тэ сэтысь ваян Исаак пиӧйлы гӧтырсӧ.

Олӧм 24:7 Referans Kwoze

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Псалтыр 34:7

Ме нинӧм лёксӧ эг вӧч, но найӧ пуктісны нальк, медым кыйны менӧ, кодйисны джуджыд гу, медым босьтны менсьым олӧмӧс.

Петӧм 33:2

Ме мӧдӧда [Ассьым] анделӧс тэ водзын, вӧтла ханаансаясӧс, аморейясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Олӧм 13:15

Тайӧ мусӧ, мый тэ аддзан, Ме сета тэныд да тэсянь чужысьяслы пыр кежлӧ.

Псалтыр 32:8

Став муыс мед полӧ Господьысь, муюгыдын став олысьыс мед дзӧрӧ Сы водзын.

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Еврейяслы 11:9

Эскӧмӧн Ӧвраам овмӧдчис кӧсйысьӧм муӧ да локтысь моз оліс сэні чомъясын. Сы моз олісны чомъясын Исаак да Яков, кодъяслы тшӧтш вӧлі сетӧма Енлысь кӧсйысьӧмсӧ.

Ап. уджъяс 7:5

Енмыс эз сет Ӧвраамлы татысь весиг кок пыдӧс пасьта му. Но кор Ӧвраам вӧлі ныв-питӧм на, Енмыс кӧсйысис сетны сылы да сысянь чужысьяслы мусӧ.

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Псалтыр 103:20

Тэ мӧдӧдан пемыдсӧ, пуксьӧ вой, и зверъяс петӧны кынӧмпӧт корсьны.

Нав Исус 1:6

Ло зумыд да повтӧм! Тэ юклан Израиль войтырлы мусӧ, мый Ме кыв сетӧмӧн кӧсйыси сетны налӧн батьяслы.

Индӧд 34:4

Господь шуис сылы: «Тайӧ му йылысь Ме кыв сетлі Ӧвраамлы, Исааклы да Яковлы, мый сета сійӧс насянь чужысьяслы. Ме петкӧдлі сійӧс тэныд, но сэтчӧ тэ он пыр».

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Лыд 32:11

”Египетысь петӧм йӧзыс, кызь арӧса да ыджыдджык арлыда айулов, [кодъяс тӧдӧны бурсӧ и лёксӧ,] оз аддзыны мусӧ, мый йылысь Ме кыв сеті Ӧвраамлы, Исааклы да Яковлы. Ӧд тайӧ йӧзыс эз кывзысьны Менсьым.

Лыд 14:30

Ті онӧ пырӧй сійӧ муас, кытчӧ Ме киӧс лэптӧмӧн кӧсйысьлі овмӧдны тіянӧс. Сэтчӧ пырасны сӧмын Ефуннилӧн Калев пиыс да Навлӧн Исус пиыс.

Лыд 14:16

”Господь эз вермы нуӧдны Ассьыс войтырсӧ сійӧ муас, мый йылысь кыв сетіс налы. Господь бырӧдіс найӧс овтӧминын”.

Петӧм 13:5

Господь [тіян Енныд] кыв сетӧмӧн кӧсйысис тіян батьяслы, мый сетас тіянлы ханаансаяслысь, хеттейяслысь, аморейяслысь, хивейяслысь да евуссаяслысь [и гергесейяслысь да перезейяслысь] мусӧ, кӧні визувтӧ йӧв да ма. Кор Сійӧ вайӧдас тіянӧс сэтчӧ, сэки тайӧ тӧлысяс ті вӧчӧй тшӧктӧмыс серти.

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Иона 1:9

Иона вочавидзис: «Ме – еврей. Юрбита Господьлы, енэжвывса Енлы, саридзсӧ да мусӧ Вӧчысьлы».

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Ездра 1:2

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам.

Ёрдысьяс 2:1

Господьлӧн андел Галгалсянь локтіс Бокимӧ [да Вефильӧ Израиль войтыр дінӧ] да шуис: «[Господь тадзи висьталӧ:] Ме петкӧді тіянӧс Египетысь да вайӧді муӧ, мый йылысь кыв сетӧмӧн кӧсйыси тіян батьяслы [мый сета тіянлы]. Ме шуи: ”Ассьым йитӧдӧс, мый кӧрталі тіянкӧд, некор ог торк.

Олӧм 16:7

Господьлӧн андел аддзис Агарӧс овтӧминса ва петанін дорысь, Шурӧ мунан туй вылысь,

Олӧм 21:17

Енмыс кыліс зонкалысь ымзӧмсӧ. Енлӧн андел шыасис Агар дінӧ енэжсянь: «Агар, мый тэкӧд? Эн пов, Енмыс кыліс зонкалысь бӧрдӧмсӧ сэтысянь, кытчӧ тэ сійӧс колин.

Олӧм 22:11

Но Господьлӧн андел шыасис енэжсянь: «Ӧвраам, Ӧвраам!» «Ме тані», – вочавидзис Ӧвраам.

Олӧм 24:3

кыв сет Господь водзын, енэжыслӧн да муыслӧн Ен водзын, мый Исаак пиӧйлы гӧтырсӧ тэ он вай ханаан войтырысь, кодъяс пӧвстын ме ола,

Олӧм 24:40

Та вылӧ сійӧ шуис меным: ”Господь [Ен], кодлӧн кӧсйӧм серти ме ола, мӧдӧдас Ассьыс анделсӧ да бурсиас тэнсьыд туйтӧ, и тэ ваян пиӧйлы гӧтырсӧ менам рӧдвуж пӧвстысь, бать керкаысь.

Лыд 11:12

Ме ӧмӧй новлӧдлі найӧс кынӧмын, ме ӧмӧй чужті найӧс? Мыйла Тэ пуктін менӧ кага видзысьӧ, пуктін моздорын новлӧдлыны тайӧ войтырсӧ? Мыйла Тэ тшӧктін менӧ нуны найӧс муӧ, мый йылысь кыв сетін налӧн батьяслы?

Нав Исус 24:3

но Ме петкӧді Ӧвраам батьнытӧ сэтысь, новлӧдлі сійӧс став Ханаан муӧд. Ме сеті сысянь чужны уна войтырлы. Сеті сылы Исаакӧс,