Олӧм 24:3 - Коми Библия 2023

³ кыв сет Господь водзын, енэжыслӧн да муыслӧн Ен водзын, мый Исаак пиӧйлы гӧтырсӧ тэ он вай ханаан войтырысь, кодъяс пӧвстын ме ола,

Олӧм 24:3 Referans Kwoze

1 Коринфӧ 7:39

Индӧд серти гӧтыр кӧртасьӧма верӧсыскӧд, кытчӧдз верӧсыс ловъя. Кулӧ кӧ верӧсыс, гӧтыр вермӧ петны верӧс сайӧ, код сайӧ кӧсйӧ, сӧмын верӧсыс мед Господьлы эскис.

Неемий 13:25

Таысь ме чирышті да ёри тайӧ айуловсӧ. Кодсюрӧӧс весиг вачкалі да някралі юрсиӧдыс. Тшӧкті кыв сетны Ен водзын, мый водзӧ найӧ оз сетны нывъяснысӧ мукӧд войтырлӧн пиян сайӧ да оз босьтны налысь нывъяснысӧ гӧтырӧ аслыныс да пияныслы.

Олӧм 28:8

Сэки гӧгӧрвоис, мый ханаанса нывъяс Исаак батьыслы абу сьӧлӧм сертиыс.

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Ӧксыяслӧн 4 небӧг 19:15

Езекей пондіс кевмысьны: «Господьӧй, Израильлӧн Енмӧй! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Петӧм 34:16

Налысь нывъяссӧ пияныдлы гӧтырӧ энӧ босьтӧй [и ассьыныд нывъястӧ налӧн пиян сайӧ энӧ сетӧй]. Ті кӧ кутанныд босьтны налысь нывъяссӧ пияныдлы гӧтырӧ, сэки найӧ кыскасны пияннытӧ ас бӧрсяныс, и пиянныд кырсалысьяс моз сетчасны налӧн енъяслы.

Неемий 9:6

[Ездра шыасис]: – Тэ – ӧти Господь! Тэ вӧчин енэжсӧ, енэжвыв енэжъяссӧ да вынъяссӧ, мусӧ да ставсӧ, мый сы вылын, саридзсӧ да ставсӧ, мый сэні эм. Тэ ставыслы сетан олӧм, енэжвыв вынъяс копрасьӧны Тэныд!

2 Каднебӧг 2:12

Хирам нӧшта содтіс: «Ошкӧм Господьлы, Израильлӧн Енлы, коді вӧчис енэжсӧ и мусӧ. Давид ӧксылы Сійӧ сетіс мывкыд пиӧс. Сылӧн пиыс сюсь вежӧра, сійӧ вӧчас Господьлы крам да аслыс ӧксы керка.

Нав Исус 2:12

Господь [асланыд Ен] водзын кыв сетӧй меным, мый лоанныд бур сьӧлӧмаӧсь батьӧйлӧн рӧдыс дінӧ, кыдзи ме вӧлі бур сьӧлӧма тіян дінӧ. Сетӧй меным эскӧдан пас,

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Лыд 5:21

аньлӧн кыв сетӧм бӧрын поп мед водзӧ шуас, – Господь мед вӧчас тэкӧд сідзи, мый тэ лоан ёрӧм улын аслад войтыр пӧвстын. Тэнад гырк пытшкӧсыд мед нёпмунас да кынӧмыд мед пыктас,

Петӧм 23:13

Кутчысьӧй став Менам тшӧктӧмӧ. Мукӧд енъяслысь нимъяссӧ энӧ казьтывлӧй, налӧн нимыс мед оз пет тіян вомысь».

Петӧм 20:7

Аслад Господь Енлысь нимсӧ весьшӧрӧ эн шуав, ӧд Господь оз коль мыждытӧг сійӧс, коді весьшӧрӧ шуалӧ Сылысь нимсӧ.

Олӧм 50:25

Ӧсип шуис Израиль пиянлы: «Кыв сетӧй, мый петкӧданныд менсьым лыясӧс Египетысь, кор Енмыс волас тіянла».

Олӧм 27:46

А Исаак верӧсыслы Ревекка шуис: «Тайӧ хеттей аньясыс вӧсна меным мустӧммис олӧмыс. Нӧшта кӧ Яков босьтас гӧтырӧ хеттей аньӧс, весиг ог кӧсйы овнысӧ!»

Олӧм 21:23

Ӧні Ен водзын меным кыв сет, мый он ӧтдорт менӧ, менсьым челядьӧс да месянь чужысьясӧс. Кыдзи ме бурногӧн олі тэкӧд, сідзи и тэ бурногӧн ов мекӧд тэнӧ сибӧдысь муын».

Олӧм 14:19

Ӧврамӧс бурсиӧмӧн Мелкиседек шуис: «Мед бурсиас тэнӧ Медвылысса Ен, коді вӧчис енэжсӧ да мусӧ.

Олӧм 6:4

Сійӧ кадас да бӧрынджык му вылын олісны ыджыд тушаа йӧз. Найӧс чужтылісны мувывса йӧзлӧн нывъяс Ен пиянлы. Тайӧ йӧзыс вӧліны ёнӧсь да нималанаӧсь.

Олӧм 6:2

сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Еврейяслы 6:16

Йӧзыс кыв сетӧны ас дорсьыс ыджыдджык водзын. Кыв сетӧмыд вынсьӧдӧ шуӧмтӧ да пуктӧ пом став вензьӧмлы.

Софоний 1:5

бырӧда найӧс, кодъяс керка вевт вылын юрбитӧны енэжвыв вынъяслы, кодъяс юрбитӧны да кыв сетӧны Ме водзын да асланыс Молок идол водзын,

Еремей 12:16

Найӧ кӧ велӧдчасны овны, кыдзи Ме тшӧкті овны Аслам войтырлы, велӧдчасны кӧ кыв сетны ловъя Господь водзын, кыдзи найӧ велӧдісны Менсьым войтырӧс кыв сетны Ваал идол водзын, сэки найӧ вужъясясны Менам войтыр пӧвстӧ.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Исай 65:16

Коді бурсиас асьсӧ тайӧ муас, сійӧ бурсиас асьсӧ збыль Ен нимӧн. Коді кыв сетас тайӧ муас, сійӧ кыв сетас збыль Ен водзын. Важ шогъяссӧ лоӧ вунӧдӧма, водзӧ найӧ оз нин лоны Менам син водзын.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 45:23

Менам вомысь петӧны збыль кывъяс, вежсьывлытӧм кывъяс, Ме Ачым кыв сетӧмӧн шуа, мый быд морт пидзӧсчанясяс Ме водзӧ да кыв сетӧмӧн кӧсйысяс кесъявны Меным.

Ӧксыяслӧн 1 небӧг 20:17

Аслас муслунӧн Ионафан кӧсйысис Давидлы видзны кӧрталӧм йитӧдсӧ, ӧд сійӧ радейтіс Давидӧс асьсӧ моз.

Левит 19:12

Менам нимӧн пӧръясьӧмӧн энӧ сетӧй кывнытӧ, медым энӧ янӧдӧй Менсьым нимӧс. Ме – Господь, тіян Енныд.

Петӧм 22:11

сэки Господь водзын кыв сетӧмыс петкӧдлас, мый пемӧс видзны босьтысь абу мыжа матыссаыс водзын. Сэки пемӧслӧн кӧзяинлы колӧ сибӧдны тайӧ кыв сетӧмсӧ, и мӧдыслы вештысьны оз ков.

Олӧм 14:22

Но Ӧврам шуис содомса ӧксылы: «Лэпта киӧс Господьлань, енэжсӧ да мусӧ вӧчысь Медвылысса Енлань, да кыв сета,

Олӧм 24:7

Господь, енэжыслӧн [да муыслӧн] Ен, коді петкӧдіс менӧ бать керкаысь да чужан муысь, коді сёрнитіс мекӧд да кыв сетіс, мый тайӧ мусӧ сетас [меным да] месянь чужысьяслы, мӧдӧдас Ассьыс анделсӧ тэ водзын, и тэ сэтысь ваян Исаак пиӧйлы гӧтырсӧ.

Олӧм 28:1

Исаак корис Яковӧс, бурсиис да шуис: «Ханаанса нылӧс аслыд гӧтырӧ эн босьт.

Олӧм 47:31

«Кыв сет», – шуис Яков. Ӧсип кыв сетіс. Израиль юрбитіс Енлы вольпасяс.

Ёрдысьяс 14:3

Бать-мамыс сылы шуисны: «Оз ӧмӧй миян чужанкотыр либӧ войтыр пӧвстысь сюр тэныд гӧтырыс? Мыйла тэ кӧсъян босьтны гӧтырӧ вундыштчытӧм филистим войтыр пӧвстысь нылӧс?» Самсон шуис батьыслы: «Босьт сійӧс меным, ӧд сійӧ меным сьӧлӧм вылӧ воис».

Олӧм 34:9

Рӧдвужасьӧй миянкӧд, нывъястӧ миян пиян сайӧ сетӧй, а миянлысь нывъяснымӧс мед тіян пиянныд босьтасны гӧтырӧ.

Олӧм 38:2

Иуда аддзис сэтысь Шуай нима ханаанса мортлысь нылӧс, босьтіс сійӧс гӧтырӧ да узис сыкӧд.

Ӧксыяслӧн 1 небӧг 30:15

Давид юаліс: «Нуӧдан-ӧ миянӧс тайӧ мырддялысь-пазӧдысьяс дінӧ?» Мӧдыс вочавидзис: «Нуӧда. Сӧмын кыв сет меным Ен водзын, мый он ви менӧ да он сет менӧ аслам ыджыдӧйлы».

Ездра 5:11

Найӧ вочавидзисны миянлы тадзи: ”Ми енэжын да му вылын ыджыдалысь Енлӧн кесйӧгъяс. Ми выльысь вӧчам крамсӧ, кодӧс вӧлі лэптӧма тані уна во сайын. Сійӧс лэптыліс Израильлӧн ыджыд ӧксы.

Еремей 29:6

Гӧтрасьӧй да чужтӧй ныв-пиӧс, пияннытӧ гӧтрӧдӧй, нывъяснытӧ сетӧй верӧс сайӧ, медым найӧ тшӧтш чужтасны ныв-пиӧс. Рӧдмӧй сэні, а энӧ чинӧй!