Олӧм 24:14 - Коми Библия 2023

¹⁴ Ме кора ӧти нывлысь, мед доровтас гырнич дозсӧ да сетас васӧ юыштны. Шуас кӧ сійӧ: ”Ю, ме верблюдъястӧ [пӧттӧдзныс] юктала”, сідзкӧ, тайӧ дзик сійӧ нылыс, кодӧс Тэ индін Аслад Исаак кесйӧглы. Та серти ме тӧдмала, мый Тэ бур сьӧлӧма Ӧвраам ыджыдӧй дінӧ».

Олӧм 24:14 Referans Kwoze

Ёрдысьяс 6:37

Со, ме пукта гумла вылӧ шырӧм вурун. Лысваыс кӧ сӧмын вурунсӧ кӧтӧдас, а муыс лоӧ кос, сэки ме кута тӧдны, мый Тэ менам киӧн мездан Израильӧс Аслад кӧсйысьӧмыд серти».

Ёрдысьяс 6:17

Гедеон шуис Сылы: «Ме кӧ шогмана Тэныд, сет тӧдны, мый Тэ Ачыд сёрнитан мекӧд.

Олӧм 15:8

Ӧврам шуис: «Господьӧй Ыджыдӧй! Мый серти ме тӧдмала, мый тайӧ муыс менам лоӧ?»

Исай 7:11

«Господьлысь, аслад Енлысь, кор петкӧдлыны индысьпас му пыдӧссянь либӧ вылі енэжсянь».

Шусьӧгъяс 19:14

Керкаыд да озырлуныд бать-мамсянь вуджӧ, а мывкыд гӧтыртӧ Господь сетӧ.

Ӧксыяслӧн 2 небӧг 5:24

Кор тэ кылан шы, быттьӧ пуяс йывті кодкӧ восьлалӧ, сэки уськӧдчы. Тӧд, мый Господь мунӧ тэ водзвылын, медым пасьвартны филистимса тышкайӧзӧс».

Ёрдысьяс 18:5

Найӧ шуисны: «Юав Енмыслысь, артмас-ӧ миян ветлӧмным».

Римӧ 1:10

Быдпӧрйӧ кевма Енлы, медым коркӧ верми волыны тіян дінӧ, но тайӧ мед Сылӧн кӧсйӧм серти вӧлі.

Ӧксыяслӧн 2 небӧг 20:9

Йоав юаліс Амессайлысь: «Кыдзи, вокӧй, олан-вылан?» Сэсся босьтіс веськыд кинас Амессайӧс тошкӧдыс, мед окыштны.

Ӧксыяслӧн 1 небӧг 20:7

Батьыд кӧ шуас та вылӧ ”бур”, сідзкӧ, меным, тэнад кесйӧглы, нинӧмысь повнысӧ. А скӧрмас кӧ, тӧд, мый лёктӧр кӧсйӧ вӧчны.

Олӧм 24:44

Шуас кӧ сійӧ: ’Ю, ме верблюдъясыдлы на гумлала’, сідзкӧ, тайӧ дзик сійӧ аньыс, кодӧс Господь индіс менам ыджыдлӧн Исаак пиыслы. [Та серти ме тӧдмала, мый Тэ бур сьӧлӧма Ӧвраам ыджыдӧй дінӧ.]”

Олӧм 24:13

Со татчӧ, юкмӧс дорӧ, кӧні ме сулала, локтӧны карса нывъяс ва гумлавны.

Олӧм 24:15

Кесйӧглӧн кевмысигкості локтіс Ревекка, Бетуэллӧн нылыс. Бетуэл вӧлі Нахорлӧн да Милкалӧн пи, а Нахор вӧлі Ӧвраамлӧн вок. Ревеккалӧн пельпом вылас вӧлі гырнич доз.

Олӧм 24:18

Ныв вочавидзис: «Ю, ыджыдӧй». Сэсся лэдзис пельпом вывсьыс гырнич дозсӧ киас да юкталіс кесйӧгӧс.

Олӧм 24:19

Та бӧрын шуис: «Ме гумлала на верблюдъясыдлы васӧ да пӧттӧдзныс юктала найӧс».

Олӧм 24:43

Ӧні ме сулала юкмӧс дорын [кытчӧ карса нывъяс локтӧны ва гумлавны]. Кор татчӧ локтас ныв, медым гумлавны ва, ме кора сылӧн гырнич дозйысь васӧ юыштны.