Олӧм 23:2 - Коми Библия 2023

² Сійӧ куліс Ханаан муын, [ковтысса] Киръят-Арбаын, тайӧ ӧнія Хеврон кар. Ӧвраам бӧрдіс-шогсис Сарра вӧсна.

Олӧм 23:2 Referans Kwoze

Олӧм 23:19

Ӧвраам дзебис ассьыс Сарра гӧтырсӧ кырта горсйӧ, мый вӧлі Макпела му вылын. Дзебаніныс вӧлі Ханаан муын Мамре дорын, ӧнія Хеврон дорын.

Олӧм 13:18

Ӧврам чомъяснас вешйис Хевронӧ, Мамре тупу раскӧ. Сэтчӧ сувтӧдіс Господьлы висьпуктанін.

1 Каднебӧг 6:57

Ааронсянь чужысьяслы вӧлі сетӧма тшӧтш каръяс, кытчӧ вӧлі позьӧ пышйыны. Тайӧ – Хеврон, Ливна да сыгӧгӧрса видзьяс, Яттир, Эштемоа да сыгӧгӧрса видзьяс,

Ёрдысьяс 1:10

Сэсся найӧ уськӧдчисны ханаансаяс вылӧ, кодъяс олісны Хеврон карын. Водзынджык Хеврон карлӧн нимыс вӧлі Киръят-Арба. Иудасянь чужысьяс пасьвартісны [енак войтырысь] Шешайӧс, Ахиманӧс да Талмайӧс.

Ап. уджъяс 8:2

Вежавидзысь йӧз гуалісны Степанӧс, ыджыд бӧрдӧмӧн колльӧдісны сійӧс.

Иоан 11:35

Исуслӧн синваыс петіс.

Иоан 11:31

Иудейяс, кодъяс вӧліны Марьякӧд керкаын да пальӧдісны сылысь шогсӧ, аддзисны Марьялысь тэрмасьӧмӧн мӧдӧдчӧмсӧ да петісны сы бӧрся. Найӧ чайтісны, мый сійӧ мунӧ дзебанінӧ бӧрдны.

Еремей 22:18

Та вӧсна иудаса Ехояким ӧксы йылысь, Иосейлӧн пиыс йылысь, Господь тадзи висьталӧ: – Сы йылысь оз кутны бӧрдны: ”Курыд шог, вокӧй!” ”Курыд шог, чойӧй!” Сы йылысь оз кутны бӧрдны: ”Курыд шог, ыджыдӧй!” ”Курыд шог сылӧн юралӧмлы!”

Еремей 22:10

– Энӧ бӧрдӧй кулӧма вӧсна, энӧ жалитӧй сійӧс, но курыда бӧрдӧй пленӧ нуӧдӧма вӧсна, сійӧ ӧд бӧрсӧ оз нин бергӧдчы, ассьыс чужан мусӧ оз нин аддзыв.

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

Ӧксыяслӧн 2 небӧг 5:5

Сизим во да джын сійӧ юраліс Хевронын, вӧлі Иуда войтырлы ӧксыӧн. Сэсся комын куим во юраліс Ерусалимын, вӧлі ӧксыӧн став Израиль да Иуда войтырлы.

Ӧксыяслӧн 2 небӧг 5:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ.

Ӧксыяслӧн 2 небӧг 2:11

Сизим во да джын Давид юраліс Хевронын, вӧлі Иуда войтырлы ӧксыӧн.

Ӧксыяслӧн 2 небӧг 1:17

Давид сьыліс Саул да сылӧн Ионафан пи йылысь бӧрдӧдчанкыв.

Ӧксыяслӧн 2 небӧг 1:12

Найӧ рытӧдзыс видзалісны да ырзӧмӧн бӧрдісны шыпурт помысь кулӧм израильсаяс вӧсна: Саул вӧсна, сылӧн Ионафан пиыс вӧсна да Господьлӧн тышкайӧзыс вӧсна.

Ӧксыяслӧн 1 небӧг 28:3

Самуил кор куліс, став Израиль ёна бӧрдіс-шогсис сы вӧсна. Дзебисны сійӧс аслас Рама карӧ. Та бӧрын Саул вӧтлаліс аслас муысь кулӧмаӧс корысьясӧс да тунасьысьясӧс.

Ӧксыяслӧн 1 небӧг 20:31

Кытчӧдз Ессейлӧн пиыс пондас овны му вылын, тэ да тэнад ӧксыалӧмыд оз ло зумыд. Мӧдӧд йӧзӧс, медым вайӧдасны сійӧс ме дінӧ. Сійӧс колӧ вины».

Нав Исус 20:7

Галилеяысь, Неффалим керӧсвыв муысь, торйӧдісны Кедеш кар, Ефрем керӧсвыв муысь – Сикем кар да Иуда керӧсвыв муысь – Киръят-Арба кар, мӧд ногӧн кӧ, Хеврон кар, медым сэтчӧ вермас пышйыны морт виысь.

Нав Исус 10:39

Найӧ босьтісны Девир кар да сэтчӧс став кар-сиктсӧ. Виалісны шыпуртӧн ӧксыӧс да сэтчӧс став ловъя олысьсӧ. Хеврон да Ливна каръясӧс да сэтчӧс ӧксыясӧс моз Исус дзикӧдз бырӧдіс Девир кар да сэтчӧс ӧксыӧс.

Индӧд 34:8

Израиль пиян бӧрдісны Мӧисей вӧсна Моав ласта вылын [Йӧрдан ю дорын, Ериконсянь матын] комын лун чӧж, кытчӧдз эз помасьны Мӧисей вӧсна бӧрдан лунъясыс.

Лыд 20:29

Ааронлӧн кулӧм йылысь тӧдмалӧм бӧрын Израиль войтыр бӧрдіс сы вӧсна комын лун чӧж.

Лыд 13:22

Найӧ мунісны да видзӧдалісны Ханаан му Цин овтӧминсянь Реховӧдз, Лево-Хаматсянь матын.

Олӧм 50:10

Йӧрдан ю сайӧ Горен-Атадӧдз воӧм бӧрын пондісны гораа сыркъялӧмӧн бӧрдны. Сизим лун чӧж бӧрдісны Ӧсиплӧн бать вӧсна.

Олӧм 27:41

Батьыслӧн бурсиӧм вӧсна Исав кутіс мустӧмтны Яков воксӧ. Исав мӧвпыштіс: «Матысмӧны батьным вӧсна бӧрдан лунъяс. Сэки ме виа Яков вокӧс».

Олӧм 23:1

Сарра оліс сё кызь сизим арӧсӧдз.

Олӧм 24:67

Исаак пыртіс Ревеккаӧс аслас Сарра мамыслӧн чомйӧ. Ревекка лои сылы гӧтырӧн. Исаак радейтіс Ревеккаӧс, тадзи сійӧ вунӧдіс мам вӧсна шогсӧ.

Олӧм 35:27

Яков локтіс аслас Исаак бать дінӧ Мамреӧ, тайӧ Киръят-Арбаын, ӧнія Хеврон карын [Ханаан муын]. Сэні коркӧ оліс Ӧвраам, сэсся оліс Исаак.

Олӧм 37:14

Израиль шуис сылы: «Мун да видзӧдлы, дзоньвидзаӧсь-ӧ тэнад вокъясыд да ставыс-ӧ бур ыжъяскӧд. Сэсся лок да висьтав меным». Ӧсип мӧдӧдчис Хеврон ковтыссянь да воис Сикемӧ.

Нав Исус 15:13

Господьлӧн тшӧктӧм серти Исус сетіс Ефуннилӧн Калев пилы Иуда чужанкотырлӧн муысь енак войтырлӧн Арба батьлысь Киръят-Арба карсӧ, мӧд ногӧн кӧ, Хеврон карсӧ.

Нав Исус 15:54

Хумта, Киръят-Арба, мӧд ногӧн кӧ, Хеврон, да Циор каръяс – ӧкмыс кар да нагӧгӧрса сиктъяс.

Нав Исус 21:11

Налы вичмисны Иуда керӧсвыв муысь енак войтырлӧн Арба батьлӧн Киръят-Арба кар, мӧд ногӧн кӧ, Хеврон кар да сыгӧгӧрса видзьяс.

Неемий 11:25

Иуда чужанкотырлӧн вӧліны видз-муа сиктъяс: Киръят-Арба да сыгӧгӧрса грездъяс, Дивон да сыгӧгӧрса грездъяс, Екавцел да сыгӧгӧрса сиктъяс,

Олӧм 50:1

Ӧсип уськӧдчис батьыс дінӧ, окаліс сійӧс да бӧрдіс сы вӧсна.

Ӧксыяслӧн 1 небӧг 25:1

Самуил куліс. Став Израиль войтыр чукӧртчис да ёна бӧрдіс сы вӧсна. Дзебисны сійӧс аслас Рама карӧ. Та бӧрын Давид муніс Паран овтӧминӧ.