Олӧм 22:1 - Коми Библия 2023

¹ Тайӧ лоӧмторъясыс бӧрын Ӧвраамӧс тӧдмалӧм могысь Ен шыасис: «Ӧвраам!» Ӧвраам вочавидзис: «Ме тані».

Олӧм 22:1 Referans Kwoze

Еврейяслы 11:17

Эскӧмӧн Ӧвраам вайис вись пыдди Исаакӧс, кор Енмыс кӧсйис тӧдмавны сылысь эскӧмсӧ. Ӧвраам дась вӧлі сетны вись пыдди ассьыс ӧтка писӧ, кодӧс Енмыс сылы кӧсйысьліс.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

1 Петыр 1:7

Зарниыс тӧдмавсьӧ биӧн. Тіян эскӧмныд бырана зарниысь донаджык, сійӧ тӧдмавсьӧ сьӧкыдлунъяс дырйи, медым Исус Кристос локтігӧн вичмис тіянлы ошкӧм, нимӧдӧм да дзирдлун.

Яков 2:21

Миян Ӧвраам батьным вайис ассьыс Исаак писӧ висьпуктанін вылӧ. Эз-ӧ тадзи вӧчигӧн сійӧ ло Ен водзын веськыдӧн?

1 Коринфӧ 10:13

Тіянӧс кӧ суис сьӧкыдлун, тайӧ быд морткӧд вермӧ лоны. Но Енмыс эскана, Сійӧ оз сет сьӧкыдсӧ вынысь унджык нуны. Мӧдарӧ, сьӧкыдлун дырйи Сійӧ индас тіянлы петан туй, да ті венанныд сьӧкыдсӧ.

Шусьӧгъяс 17:3

Эзысьтӧ да зарнитӧ биын сывдӧны, а сьӧлӧмтӧ Господь тӧдмалӧ.

Индӧд 8:16

Овтӧминын Сійӧ вердіс тіянӧс маннаӧн, мый [ті энӧ тӧдлӧй и] батьясныд эз тӧдлыны. Тадзи Сійӧ раммӧдіс да тӧдмаліс тіянӧс, но бӧрынджык бурсӧ вӧчис тіянлы.

Петӧм 3:4

Господь аддзис Мӧисейлысь матыстчӧмсӧ да ӧзъялысь лежнӧг пытшсянь шыасис сы дінӧ: «Мӧисей, Мӧисей!» Сійӧ вочавидзис: «[Господьӧй!] Ме тані».

Олӧм 22:11

Но Господьлӧн андел шыасис енэжсянь: «Ӧвраам, Ӧвраам!» «Ме тані», – вочавидзис Ӧвраам.

Олӧм 22:7

Исаак шыасис Ӧвраам дінӧ: «Батьӧй!» «Мый нӧ, пиӧй?» – юаліс Ӧвраам. Мӧдыс воча юаліс: «Миян эм бива, пес, а кытысь ми босьтам сотан вись пыдди баляӧс?»

Исай 6:8

Сэсся ме кылі Господьлысь гӧлӧс шысӧ: «Кодӧс Меным мӧдӧднысӧ? Коді мунас миян пыдди?» Сэки ме шуи: «Со ме, мӧдӧд менӧ!»

2 Каднебӧг 32:31

Но кор вавилонса юралысьяс мӧдӧдісны сы дінӧ ассьыс йӧзсӧ, медым тӧдмавны Иуда муын петкӧдлӧм индысьпас йылысь, сэки Енмыс колис сійӧс ӧтнассӧ, медым тӧдмавны сійӧс да аддзыны, мый сылӧн сьӧлӧмас.

Петӧм 16:4

Господь шуис Мӧисейлы: «Ме сета тіянлы енэжсянь нянь, зэр моз кисьта сійӧс. Войтырыд мед быд лун петас чукӧртны няньсӧ, кодлы мыйта колӧ лун кежлӧ. Тадзи Ме тӧдмала, кутасны-ӧ найӧ овны Менам Индӧд серти.

Индӧд 13:3

но ті сылысь кывъяссӧ энӧ кывзӧй. Ӧд тадзи Господь, тіян Енныд, кӧсйӧ тӧдмавны, радейтанныд-ӧ ті Господьӧс, ассьыныд Ентӧ, став сьӧлӧмнад да став олӧмнад.

Ёрдысьяс 2:22

Тайӧ войтыръясыс отсӧгӧн Ме тӧдмала Израиль войтырӧс. Тӧдмала, кутасны-ӧ найӧ кывзысьны Менсьым да ветлыны Менам туйӧд батьясныс моз».

Ӧксыяслӧн 2 небӧг 24:1

Господь бара чорыда скӧрмис израильсаяс вылӧ. Медым ыззьӧдны Давидӧс налы паныд Сійӧ шуис: «Мун да артав Израиль да Иуда войтырлысь лыдсӧ».

Псалтыр 11:5

миян кывным пӧ вына, вомнымӧс некод оз вермы тупкыны, некод оз вен миянӧс.

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Олӧм 21:11

Измаил пиыс вӧсна Ӧвраам шогӧ усис.

Олӧм 37:13

Израиль шуис Ӧсиплы: «Вокъясыд Сикемын йирсьӧдӧны ыжъясӧс. Ветлы на дінӧ». «Ветла», – вочавидзис батьыслы Ӧсип.

Олӧм 46:2

Войнас Ен чукӧстіс Израильӧс: «Яков, Яков!» Яков вочавидзис: «Ме тані».

Ӧксыяслӧн 1 небӧг 3:4

Господь шыасис Самуил дінӧ. [Шуис: «Самуил, Самуил».] Мӧдыс вочавидзис: «Ме тані».