Олӧм 21:33 - Коми Библия 2023

³³ Бер-Шеваын Ӧвраам пуктіс тамариск пу да шыасис Господь нимӧ, пыр олысь Ен дінӧ.

Олӧм 21:33 Referans Kwoze

1 Тимофейлы 1:17

Помтӧг ыджыдалысь Ӧксылы, пыр олысь, тыдавтӧм, ыджыд мывкыда ӧти Енлы ошкӧм-нимӧдӧмыс нэмъяс чӧж! Аминь.

Исай 40:28

Тэ ӧмӧй он тӧд, тэ ӧмӧй эн кывлы, мый Господь – помтӧг олысь Ен, Сійӧ вӧчис став муюгыдсӧ, Сійӧ оз мудз, оз жебмы. Сылысь мывкыдлунсӧ он туяв.

Псалтыр 90:2

шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Олӧм 12:8

Сэтысянь Ӧврам мӧдӧдчис керӧслань, Вефильсянь асыввылӧ. Сэні сувтӧдіс ассьыс чомсӧ сідз, мый Вефиль вӧлі рытыввылын, а Гай – асыввылын. Сэсся вӧчис Господьлы висьпуктанін да шыасис Господь дінӧ.

Олӧм 4:26

Сифлӧн чужис пи. Сиф пуктіс сылы Енос ним. Тайӧ кадсянь кутісны шыасьны Ен дінӧ Господь нимӧн.

Индӧд 33:27

Тэнад сайӧдчаніныд – пыр олысь Ен, Сылӧн киыс новлӧдлӧ тэнӧ. Сійӧ вӧтлас тэ водзысь вӧрӧгтӧ, тшӧктас бырӧдны сійӧс.

Римӧ 1:20

Му пуксьӧмсяньыс Енлӧн став вӧчӧмторйысь позьӧ аддзыны тыдавтӧмсӧ: Енлысь помтӧм вынсӧ да Сылысь енмалунсӧ. Та вӧсна налы дорйысьнысӧ нинӧмӧн.

Амос 8:14

кодъяс кыв сетӧны Самарияӧс мыжӧ вайӧдысь идол водзын, кыв сетӧны Данлӧн ен водзын, кӧсйысьӧны Бер-Шеваӧ мунан туйӧн – та вӧсна найӧ усясны да бӧрсӧ оз чеччыны.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Ёрдысьяс 3:7

Израиль пиян вӧчисны Господь водзын шогмытӧмсӧ. Найӧ вунӧдісны Господьӧс, ассьыныс Енсӧ, да пондісны юрбитны Ваал да Астарта идолъяслы.

Индӧд 16:21

«Господьлы, асланыд Енлы, кыпӧдӧм висьпуктанінкӧд орччӧн энӧ сувтӧдӧй юрбитан пуяс.

Олӧм 26:33

Исаак пуктіс юкмӧслы Шива ним. Та вӧсна ӧнӧдз тайӧ карыслӧн нимыс Бер-Шева.

Олӧм 26:25

Исаак сувтӧдіс висьпуктанін да шыасис Господь дінӧ. Сэсся паськӧдіс сэтчӧ чом, а кесйӧгъясыс кодйисны юкмӧс.

Олӧм 26:23

Сэтысь Исаак мӧдӧдчис Бер-Шеваӧ.

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Олӧм 21:32

Бер-Шеваын йитӧд кӧрталӧм бӧрын Авимелек [Ахузаткӧд, коді колльӧдіс Авимелеклысь гӧтырпусӧ кӧлысь дырйи,] да тышкайӧзӧн веськӧдлысь Пикол бӧр мунісны Филистим муӧ.

Петӧм 15:18

Господь юралӧ нэмъяс чӧж!

Индӧд 32:40

Ме кыпӧда киӧс енэжланьыс, [веськыд киӧс лэптӧмӧн] шуа: Ме – пыр олысь Ен,

Псалтыр 93:2

Кыпӧдчы, муюгыдсӧ Мыждысьӧй, мынтысь вылӧ кыпӧдчысьяслы налӧн уджъясыс серти.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.