Олӧм 21:23 - Коми Библия 2023

²³ Ӧні Ен водзын меным кыв сет, мый он ӧтдорт менӧ, менсьым челядьӧс да месянь чужысьясӧс. Кыдзи ме бурногӧн олі тэкӧд, сідзи и тэ бурногӧн ов мекӧд тэнӧ сибӧдысь муын».

Олӧм 21:23 Referans Kwoze

Нав Исус 2:12

Господь [асланыд Ен] водзын кыв сетӧй меным, мый лоанныд бур сьӧлӧмаӧсь батьӧйлӧн рӧдыс дінӧ, кыдзи ме вӧлі бур сьӧлӧма тіян дінӧ. Сетӧй меным эскӧдан пас,

Олӧм 20:14

Авимелек козьналіс Ӧвраамлы [сюрс сикель эзысь,] ыжъясӧс, мӧсъясӧс, кесйӧг айуловӧс да аньясӧс. Бӧр сетіс сылы Сарраӧс

Еврейяслы 6:16

Йӧзыс кыв сетӧны ас дорсьыс ыджыдджык водзын. Кыв сетӧмыд вынсьӧдӧ шуӧмтӧ да пуктӧ пом став вензьӧмлы.

2 Коринфӧ 1:23

Ме висьтала Ен водзын, мый тіянӧс жалитӧм вӧсна ме ӧнӧдз эг волы Коринфӧ.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Ӧксыяслӧн 1 небӧг 30:15

Давид юаліс: «Нуӧдан-ӧ миянӧс тайӧ мырддялысь-пазӧдысьяс дінӧ?» Мӧдыс вочавидзис: «Нуӧда. Сӧмын кыв сет меным Ен водзын, мый он ви менӧ да он сет менӧ аслам ыджыдӧйлы».

Ӧксыяслӧн 1 небӧг 20:42

Ионафан шуис Давидлы: «Мун лӧнь сьӧлӧмӧн. Господь водзын ми кыв сетім видзны кӧрталӧм йитӧднымӧс. Господь лоӧ миян костын, месянь да тэсянь чужысьяс костын нэмъяс чӧж».

Ӧксыяслӧн 1 небӧг 20:17

Аслас муслунӧн Ионафан кӧсйысис Давидлы видзны кӧрталӧм йитӧдсӧ, ӧд сійӧ радейтіс Давидӧс асьсӧ моз.

Ӧксыяслӧн 1 небӧг 20:13

Господь мед ёна мыждас менӧ, ог кӧ ме юӧрт, мый батьӧй лёктор кӧсйӧ вӧчны тэныд, да ог кӧ отсав тэныд мунны лӧнь сьӧлӧмӧн. Господь мед лоас тэкӧд, кыдзи Сійӧ вӧлі менам батькӧд.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

Олӧм 31:44

Ӧні тэа-меа кӧрталам йитӧд». [Сэк Яков шуис сылы: «Миянкӧд тані некод абу. Но тӧд, Енмыс кылӧ тэа-меаӧс».]

Олӧм 26:28

Найӧ шуисны: «Тэкӧд збыльысь Господь! Ми кӧсъям сёрнитчыны тэкӧд. Сет миянлы кыв,

Олӧм 24:3

кыв сет Господь водзын, енэжыслӧн да муыслӧн Ен водзын, мый Исаак пиӧйлы гӧтырсӧ тэ он вай ханаан войтырысь, кодъяс пӧвстын ме ола,

Олӧм 21:24

«Кыв сета», – шуис Ӧвраам,

Олӧм 47:31

«Кыв сет», – шуис Яков. Ӧсип кыв сетіс. Израиль юрбитіс Енлы вольпасяс.

Олӧм 39:3

и ыджыдыс аддзис, мый Господь Ӧсипкӧд да бурсиӧ сылысь став уджсӧ.