Олӧм 21:14 - Коми Библия 2023

¹⁴ Ӧвраам чеччис водз асывнас, босьтіс нянь да кучик дозйын ва, ӧшӧдіс нопсӧ Агарлы пельпом вылас да ыстіс сійӧс пиыскӧд. Агар муніс да вошис Бер-Шева овтӧминын.

Олӧм 21:14 Referans Kwoze

Иоан 8:35

Кесйӧг оз вермы кольччыны керкаас пыр кежлӧ, а пиыс олӧ сэні помтӧг.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Шусьӧгъяс 27:14

Водз асывсянь кӧ ёрттӧ гораа бурсиан, кылысьяс чайтасны, мый ёран сійӧс.

Псалтыр 107:4

Господьӧй, ме ошка Тэнӧ войтыръяс пӧвстын, сьыла Тэныд чужанкотыръяс пӧвстын,

Ӧксыяслӧн 3 небӧг 19:3

Илля повзис. Сійӧ чеччис да петіс туйӧ, мед ловйӧн кольны. Сійӧ воис иудаса Бер-Шева карӧ. Сэтчӧ колис ассьыс кесйӧгсӧ,

Олӧм 26:31

Водз асывнас найӧ ӧта-мӧдныслы кыв сетісны, сэсся лӧня торйӧдчисны.

Олӧм 25:6

Олігас на сійӧ сеталіс козинъяс кесйӧг-гӧтыръясыслӧн пияныслы да ыстіс найӧс Исаак пи дорсьыс ылӧджык, асыввыв муясӧ.

Олӧм 21:31

Та вӧсна нимтіс местасӧ Бер-Шеваӧн, ӧд тані кыв сетісны ӧта-мӧдныслы.

Олӧм 16:7

Господьлӧн андел аддзис Агарӧс овтӧминса ва петанін дорысь, Шурӧ мунан туй вылысь,

Исай 16:8

Хешбонса видз-муяс гӧльмисны, сивмаса виноград пуяс косьмисны. Войтыръяслӧн ыджыдалысьяс чегъялісны медбур виноград пуяссӧ. Найӧ паськалісны Язерӧдз, быдмисны весиг овтӧминын, вожъясыс нюжалісны саридз сайӧдз.

Олӧм 46:1

Израиль чукӧртіс став ассьыс эмбурсӧ да мӧдӧдчис туйӧ. Бер-Шеваӧ воӧм бӧрын вайис висьяс аслас Исаак батьыслӧн Енлы.

Олӧм 37:15

Кор Ӧсип кытшлаліс видзьяс вывті, сійӧс аддзис кутшӧмкӧ морт да юаліс: «Мый тэ корсян?»

Олӧм 26:33

Исаак пуктіс юкмӧслы Шива ним. Та вӧсна ӧнӧдз тайӧ карыслӧн нимыс Бер-Шева.

Олӧм 24:54

Сэсся локтӧм йӧз сёйисны-юисны да водісны шойччыны. Асывнас Ӧвраамлӧн кесйӧг шуис: «Лэдзӧй менӧ мунны аслам ыджыдӧй дінӧ».

Олӧм 22:19

Ӧвраам бӧр локтіс кесйӧгъяс дінас, и найӧ мӧдӧдчисны Бер-Шеваӧ, кӧні олісны.

Олӧм 22:3

Ӧвраам чеччис водз, босьтіс осёлсӧ, кык кесйӧгӧс да Исаак писӧ. Сэсся поткӧдліс пес, медым вайны сотан вись, да мӧдӧдчис сэтчӧ, кытчӧ тшӧктіс сылы Ен.

Олӧм 21:33

Бер-Шеваын Ӧвраам пуктіс тамариск пу да шыасис Господь нимӧ, пыр олысь Ен дінӧ.

Олӧм 19:27

Ӧвраам чеччис водз асывнас да муніс сэтчӧ, кӧні сійӧ сулавліс Господь водзын.

Олӧм 21:13

Кесйӧг писяньыд Ме тшӧтш сета чужны [уна лыда] войтырлы, ӧд сійӧ тэсянь чужысь».

Олӧм 21:15

Кор кучик дозсьыс бырис ваыс, сійӧ пу улӧ колис ассьыс писӧ.

Шусьӧгъяс 27:8

Чужанінсӧ кольысь мортыд позсӧ эновтысь лэбач кодь.

Олӧм 28:18

Асывводзнас Яков босьтіс изсӧ, мый вылын юрсӧ пуктӧмӧн узис, сувтӧдіс сійӧс вежа пас пыдди да кисьтіс сы вылӧ олив вый.

Нав Исус 3:1

Водз асывнас Исус да став Израиль войтыр мӧдӧдчисны Ситтимысь да воисны Йӧрдан ю дорӧ, но эз вуджны сійӧс.

Ӧксыяслӧн 1 небӧг 15:12

Водз асывнас Самуил чеччис да мӧдӧдчис Саул дінӧ. Но Самуиллы юӧртісны, Саул пӧ мунӧма Кармил карӧ, мед сувтӧдны сэні аслыс казьтылан из. Сэсянь пӧ [бӧр ыстӧма тарантассӧ,] ачыс мунӧма Галгалӧ.

2 Каднебӧг 29:20

Мӧд луннас Езекей ӧксы чеччис водз асывнас, чукӧртіс карса юралысьясӧс да муніс накӧд Господьлӧн крамӧ.