Олӧм 18:25 - Коми Библия 2023

²⁵ Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Олӧм 18:25 Referans Kwoze

Иов 8:3

Енмыс ӧмӧй оз веськыда мыжды, Ставсӧвермысь ӧмӧй вежас збыльсӧ?

Иов 8:20

Енмыс мыжтӧмӧс оз ӧтдорт, лёк вӧчысь дор оз сувт.

Псалтыр 58:11

Менам Енмӧй бур сьӧлӧма ме дінӧ, Сійӧ нуӧдӧ менӧ. Енмыс сетас меным аддзыны, мый лоас менӧ мустӧмтысьяскӧд.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Псалтыр 94:2

Локтӧй Сылӧн чужӧмбан водзӧ Сійӧс аттьӧалӧмӧн, ошкӧй Сійӧс гораа сьылӧмӧн!

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

Малакий 3:18

Сэки ті бара аддзанныд веськыда олысь да лёк вӧчысь костын торъялӧмсӧ, аддзанныд, коді кесъяліс Енмыслы, а коді эз кесъяв.

Псалтыр 98:9

Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?

Еклесиаст 7:15

Быдторсӧ ме аддзылі аслам весьшӧрӧ олан лунъясӧ: веськыда олысь веськыдлунас кулӧ, лёк вӧчысь лёкас дыр олӧ.

Еврейяслы 12:23

да гажӧдчысь йӧз чукӧр дінӧ. Найӧ – Енлӧн медводдза чужысьяс, налысь нимъяссӧ гижӧма енэжас. Ті матыстчинныд став йӧзсӧ мыждысь Ен дінӧ да тыр-бурас воӧм веськыда олысьяслӧн ловъяс дінӧ.

Олӧм 18:24

Гашкӧ, сюрас сэні карас ветымын веськыда олысь? На ради ӧмӧй Тэ он бурсьӧлӧмтчы, а бырӧдан карсӧ?

Индӧд 1:16

Тіян ёрдысьяслы ме тшӧкті: ”Кывзӧй вокъяснытӧ да мыждӧй найӧс веськыда, кор вокъяс костын либӧ израильса морт да йӧз муысь локтысь костын кыптас зык-вен.

Индӧд 1:17

Ёрд вылын ӧткодя кывзӧй тӧдчана да абу тӧдчана мортӧс. Энӧ полӧй мортысь, ӧд мыждӧмыс Енсянь. А могыс кӧ тіянлы сьӧкыд, локтӧй ме дорӧ, и ме ачым видлала сійӧс”.

Ёрдысьяс 11:27

Тэ водзын ме абу мыжа. Лёксӧ вӧчин тэ, кор петін тышӧ меным паныд. Господь – Ёрдысьыс. Сійӧ мед Ачыс талун лоас Израиль пиян да аммонсаяс костын ёрдысьнас!»

2 Каднебӧг 19:7

Полӧй Господьысь, ставсӧ вӧчӧй веськыда, ӧд Господь, миян Енным, мустӧмтӧ пӧръясьӧм, леститчӧм да козин босьтӧм».

Неемий 9:33

Быдторйын, мый суис миянӧс, Тэ веськыда вӧчин, ӧд Тэ веськыд, а ми – мыжаӧсь.

Иов 34:10

Сідзкӧ, кывзӧй менӧ, сюсь вежӧраяс! Енмыс оз вӧч лёксӧ, Ставсӧвермысьлӧн уджъясыс веськыдӧсь.

Еклесиаст 3:17

Ме мӧвпышті: веськыда олысьӧс и лёк вӧчысьӧс кутас мыждыны Ен, ӧд быд вӧчӧмторлы да лоӧмторлы эм аслас кад.

Еремей 11:20

Но Господь Саваоф веськыда мыждӧ, Сійӧ тӧдӧ мортлысь сьӧлӧмсӧ да мӧвпъяссӧ. Господьӧй, сет меным аддзыны, кыдзи Тэ водзӧс перъян налысь, ӧд ассьым тӧжд-могӧс ме вайи Тэ водзӧ.

Езекиль 18:25

Ті шуанныд, Господь пӧ оз веськыда вӧч. Кывзы Менӧ, Израиль войтыр! Ме ӧмӧй ог веськыда вӧч? Ті асьныд онӧ веськыда вӧчӧй.

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

1 Каднебӧг 16:33

мед гажӧдчасны вӧрса пуяс Господь водзын, ӧд Сійӧ локтӧ мыждыны муюгыдсӧ.

Иов 34:12

Дзик збыльысь Енмыс оз вӧч лёксӧ, Ставсӧвермысь мыждігас оз пӧръясь.

Псалтыр 7:12

Енмыс – веськыда Мыждысь, [вына да терпитысь Ен,] Сійӧ быд лун чорыда мыждӧ мортӧс,

Псалтыр 50:6

Тэныд, сӧмын Тэныд паныд ме мыж вӧчи, Тэнад син водзын ме лёксӧ вӧчи. Тэ веськыда вӧчан, кор менӧ чирыштан, Тэ веськыда мыждан менӧ.

Псалтыр 75:3

Сылӧн оланіныс Салимын, Сійӧ олӧ Сионын.