Олӧм 17:8 - Коми Библия 2023

⁸ Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Олӧм 17:8 Referans Kwoze

Левит 26:12

Ме кута ветлӧдлыны тіян пӧвстын да лоа тіян Енмӧн, а ті – Менам войтырӧн.

Псалтыр 105:11

Ваыс вевттис дзескӧдысьясӧс, весиг ӧти на пиысь ловйӧн эз коль.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Индӧд 29:13

Талун Сійӧ шуӧ тіянӧс Аслас войтырӧн, а Асьсӧ шуӧ тіян Енмӧн, кыдзи Сійӧ висьталіс тіянлы да мый йылысь кыв сетліс Ӧвраам, Исаак да Яков батьясныдлы.

Индӧд 26:18

Талун Господь юӧртіс тіянлы, мый Сылӧн кӧсйысьӧм серти ті лоанныд Сылӧн войтырӧн, кутанныд кӧ овны став Сылӧн тшӧктӧмыс серти.

Индӧд 14:2

Ӧд ті – Господь Енлӧн вежа войтырыс. Господь бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Олӧм 13:15

Тайӧ мусӧ, мый тэ аддзан, Ме сета тэныд да тэсянь чужысьяслы пыр кежлӧ.

Псалтыр 105:9

Господь тшӧктіс Гӧрд саридзлы, и сійӧ косьмис. Сэки Господь нуӧдіс найӧс саридз пыдӧсӧд косінті моз.

Индӧд 4:37

Господьлы вӧліны мусаӧсь тіян батьясныд, та вӧсна Сійӧ бӧрйис тіянӧс, насянь чужысьясӧс. Сійӧ Ачыс петкӧдіс тіянӧс Египетысь Аслас ыджыд выннас.

Олӧм 28:4

Мед Сійӧ бурсиас тэнӧ да тэсянь чужысьясӧс менам Ӧвраам батьлӧн бурсиӧмӧн, медым тэныд вуджас муыс, кӧні тэ олан локтысь морт моз, ӧд тайӧ мусӧ Ен сетіс Ӧвраамлы».

Олӧм 13:17

Чеччы, кытшовт тайӧ мусӧ кузьтанас и пасьтанас, ӧд сійӧс Ме сета тэныд [да тэсянь чужысьяслы пыр кежлӧ]».

Ӧксыяслӧн 2 небӧг 23:5

Абу-ӧ татшӧм менам рӧдӧй Ен водзын? Енмыс пыр кежлӧ кӧрталіс мекӧд йитӧд – зумыдӧс да вежсьывлытӧмӧс. Быд кадӧ Сійӧ мездыліс менӧ, збыльмӧдліс менсьым кӧсйӧмъясӧс.

Индӧд 32:8

Кор Медвылыссаыс юкліс войтыръяслы му, кор разӧдіс-овмӧдіс йӧзсӧ му пасьтала, Сійӧ индіс мудоръяс Израиль пиян лыд серти.

Лыд 25:13

Тайӧ йитӧд сертиыс сылы да сысянь чужысьяслы нэмъяс кежлӧ шуӧма кесъявны попъясӧн. Ӧд сійӧ петкӧдліс аслас Ен вӧсна вежӧгтӧмсӧ, и тадзи вештіс Израиль пиянлысь мыжсӧ».

Петӧм 40:15

Сэсся батьнысӧ моз мавтышт найӧс, медым найӧ попъясӧн кесъяласны Меным. Тайӧ мавтыштӧмыс петкӧдлӧ, мый найӧс индӧма кесъявны попъясӧн нэмъяс кежлӧ чужысьяссянь чужысьясӧдз».

Олӧм 48:4

Сійӧ шуис: ”Ме сета тэныд уна чужысьӧс. Тэ лоан войтыръяслы батьӧн. Тэсянь чужысьяслы Ме сета тайӧ мусӧ нэмъяс кежлӧ”.

Олӧм 23:4

«Ме локтысь морт, абу тіян войтырысь, – шыасис на дінӧ Ӧвраам. – Вузалӧй меным му, медым дзебны гӧтырлысь шойсӧ».

Еврейяслы 9:15

Сійӧн Кристос лои Енма-морта костын Выль Йитӧд Кӧрталысьӧн. Аслас кулӧмӧн Кристос вештысис воддза йитӧд дырйи вӧчӧм мыжъясысь, медым Енлӧн корӧмаяслы пыр кежлӧ вичмис Енсянь кӧсйысьӧмыс.

Псалтыр 103:17

Налӧн вожъяс вылӧ поздысьӧны лэбачьяс, сэтчӧ поздысьӧны аистъяс.

Левит 16:34

Олӧй тайӧ тшӧктӧмыс серти нэмъяс чӧж. Ӧтчыдысь вонас поп мед вештас Израиль войтырлысь став мыжсӧ». Аарон вӧчис сідзи, кыдзи Господь тшӧктіс Мӧисейлы.

Петӧм 21:6

сэки ыджыдыс мед вайӧдас сійӧс Ен водзӧ, сувтӧдас ӧдзӧс либӧ ӧдзӧс курич бердӧ да пельсӧ розьӧдас шылаӧн. Та бӧрын тайӧ кесйӧгыс кольӧ сы ордӧ пыр кежлӧ.

Ап. уджъяс 7:5

Енмыс эз сет Ӧвраамлы татысь весиг кок пыдӧс пасьта му. Но кор Ӧвраам вӧлі ныв-питӧм на, Енмыс кӧсйысис сетны сылы да сысянь чужысьяслы мусӧ.

Восьтӧм 21:7

Вермысьлы Ме сета тайӧс ставсӧ. Ме лоа сылӧн Енмӧн, а сійӧ – Менам пиӧн.

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Олӧм 36:7

Вокъяслӧн овмӧсныс вӧлі зэв ыджыд, та вӧсна ӧтлаын овны лои дзескыд. Ыж-мӧсныс эз нин тӧрны налӧн оланінас.

Олӧм 37:1

Яков оліс Ханаан муын, кӧні коркӧ сылӧн батьыс оліс локтысь морт моз.

Петӧм 13:11

Кор Господь [тіян Енныд] пыртас тіянӧс Ханаан муӧ да сетас сійӧс тіянлы, кыдзи кыв сетӧмӧн кӧсйысис тіянлы да тіян батьяслы,

Петӧм 29:45

Ме кута овны Израиль пиян пӧвстын да лоа налӧн Енмӧн.

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Индӧд 9:5

Ті мунанныд босьтны налысь мусӧ онӧ асланыд веськыдлун вӧсна да сӧстӧм сьӧлӧмныд вӧсна, но Господь, тіян Енныд, вӧтлӧ найӧс тіян водзысь налӧн пеж олӧм вӧсна. Тадзи Господь збыльмӧдӧ Ӧвраамлы, Исааклы да Яковлы, тіян батьяслы, сетӧм кывсӧ.

Еремей 25:5

Найӧ шулісны тіянлы: ”Бергӧдчӧй асланыд лёк туй вылысь, эновтчӧй лёк уджъяссьыныд да олӧй тайӧ муас, мый Господь сетіс тіянлы да тіян батьяслы нэмъяс кежлӧ.

Еремей 31:1

Сійӧ кадас, – висьталӧ Господь, – Ме лоа израильса быд чужанкотырлӧн Енмӧн, а найӧ – Менам войтырӧн.

Олӧм 35:27

Яков локтіс аслас Исаак бать дінӧ Мамреӧ, тайӧ Киръят-Арбаын, ӧнія Хеврон карын [Ханаан муын]. Сэні коркӧ оліс Ӧвраам, сэсся оліс Исаак.

Петӧм 6:4

Ме кӧрталі накӧд йитӧд, кӧсйыси сетны налы Ханаан му, кӧні найӧ вӧліны ветлысь-мунысьяс.

Левит 14:34

«Кор овмӧдчанныд Ханаан муӧ, мый Ме сета тіянлы, и Ме ыста кутшӧмкӧ керка вылӧ проказа,

Лыд 10:29

Мӧисей шуис Ховавлы, мадианса Регуэл тесьтыслӧн пилы: «Ми мӧдӧдчам сійӧ муас, мый Господь кӧсйысис сетны миянлы. Мунам миянкӧд, ми кутам тӧждысьны, мый тэныд бур лоас, ӧд Господь кӧсйысис Израильлы бур вӧчны».

Лыд 27:12

Господь шуис Мӧисейлы: «Кай Аварим керӧсъяс вылӧ [Нево керӧс вылӧ, мый Йӧрдан ю таладорын] да видзӧдлы [Ханаан] му. Сійӧ мусӧ Ме сета Израиль пиянлы.

Индӧд 32:49

«Кыпӧдчы Аварим керӧсъяс вылӧ, Моав муын Ериконлы паныда Нево керӧс вылӧ да видзӧдлы Ханаан му, мый Ме сета Израиль пиянлы.

Индӧд 34:4

Господь шуис сылы: «Тайӧ му йылысь Ме кыв сетлі Ӧвраамлы, Исааклы да Яковлы, мый сета сійӧс насянь чужысьяслы. Ме петкӧдлі сійӧс тэныд, но сэтчӧ тэ он пыр».

Нав Исус 1:2

«Менам Мӧисей кесйӧгӧй куліс. Ӧні тэ вуджӧд Израиль войтырӧс Йӧрдан ю сайӧ сійӧ муас, мый Ме сета налы.

1 Каднебӧг 16:18

Сійӧ шуис: «Ме сета тэныд Ханаан му, вичмӧда сійӧс тэныд».

Езекиль 11:20

медым найӧ оласны да ставсӧ вӧчасны Менам индӧд-тшӧктӧмъяс серти. Сэки найӧ лоасны Менам войтырӧн, а Ме лоа налӧн Енмӧн.

Езекиль 33:24

«Морт пиӧй, Израиль муын пазӧдӧм каръясӧ кольӧм йӧзыс шуӧны, Ӧвраамлы пӧ вӧлі вичмӧдӧма нин тайӧ мусӧ, кор сылӧн пиыс эз на вӧв. Ми пӧ унаӧсь, и миянлы сетӧма тайӧ мусӧ.

Закар 8:8

овмӧда найӧс Ерусалимӧ. Найӧ лоӧны Менам войтырӧн, а Ме лоа налӧн Енмӧн – эскана да веськыда вӧчысь Енмӧн.