Олӧм 16:2 - Коми Библия 2023

² Сара шуис Ӧврамлы: «Господь оз сет меным челядьӧс. Босьт менсьым кесйӧг аньӧс, гашкӧ, сійӧ чужтас меным пи». Ӧврам кывзысис гӧтырыслысь.

Олӧм 16:2 Referans Kwoze

Петӧм 21:4

Ыджыдыс кӧ сійӧс гӧтрӧдас, и гӧтырыс чужтас ныв-пиӧс, сэки гӧтырыс челядьыскӧд мед кольччасны уджавны ыджыдыслы, а ачыс кесйӧгыс мед мунас ӧтнасӧн.

Олӧм 18:10

Ӧти на пиысь шуис: «Дзик тайӧ кадас во мысти ме бара вола тэ ордӧ. Сэки Сарра гӧтырыдлӧн лоас пи». Сарра вӧлі сёрнитысьлӧн мыш саяс, чомйысь петанін дорын, и кыліс тайӧс.

Олӧм 3:17

Адамлы Ен шуис: «Тэ вӧсна лоӧ ёрӧма мусӧ, ӧд тэ кывзысин гӧтырыдлысь да сёйин сійӧ пуысь, код йылысь Ме шулі тэныд: ”Эн сёй сэтысь”. Та вӧсна мырсьӧмӧн пондан перйыны кынӧмпӧттӧ нэм чӧжыд.

Псалтыр 127:3

Тэнад керкаын гӧтырыд лоӧ вотӧс вайысь виноград пу кодь. Пызан сайын тэнад пияныд лоӧны олив пулӧн вожъяс кодьӧсь.

Руфа 4:11

Карса дзиръя дорын став йӧзыс да юрнуӧдысьяс шуисны: «Да, ми кывлім да аддзылім. Тэнад керкаӧ пырысь гӧтыртӧ Господь мед вӧчас Ракель да Лия кодьӧн, кодъяссянь чужис Израиль войтыр. Озырмӧдчы Епрафаын, нимав Виплиемын!

Олӧм 30:22

Енмыс эз вунӧд Ракельӧс, кыліс сійӧс да сетіс сьӧктыны сылы.

Олӧм 25:21

Исаак кевмысис Господьлы гӧтырыс вӧсна, ӧд гӧтырыс эз вермы сьӧктынысӧ. Господь кыліс сійӧс, и Ревекка кынӧмасис.

Олӧм 20:18

Ӧд Ӧвраамлӧн Сарра гӧтыр вӧсна Господь вӧчліс сідз, мый Авимелек керкаын аньясыс эз вермыны кынӧмасьнысӧ.

Олӧм 17:16

Ме бурсиа сійӧс да сета сылы чужтыны тэныд пиӧс. Бурсиа Сарраӧс, и сысянь чужасны войтыръяс да войтыръяслӧн ӧксыяс».

Олӧм 3:12

Адам шуис: «Гӧтырӧй, кодӧс Тэ сетін меным, мыччис меным вотӧссӧ, и ме сёйи».

Олӧм 30:6

Ракель шуис: «Енмыс ме дор, кыліс менӧ да сетіс меным пиӧс». Та вӧсна сійӧ пуктіс пиыслы Дан ним.

Олӧм 19:31

Ыджыдджык чойыс шуис ичӧтджыкыслы: «Батьным миян пӧрысьмис. Тані абу мортыс, коді эськӧ босьтіс миянӧс гӧтырӧ, кыдзи вӧчӧны став му пасьтала.

Олӧм 11:30

Саралӧн эз вӧв ныв-пиыс, эз вермы сьӧктынысӧ да.