Олӧм 15:17 - Коми Библия 2023

¹⁷ Шонді пуксьӧм бӧрын лои сап пемыд. Шӧрипӧв керыштӧм пемӧсъяс костті пачысь моз пуркнитіс тшын да мунісны ыпъялысь би кывъяс.

Олӧм 15:17 Referans Kwoze

Ёрдысьяс 6:21

Господьлӧн андел нюжӧдіс бедьсӧ, мый вӧлі киас, да бедь йывнас инмӧдчис яйӧ да шомтӧм няньӧ. Сэки изйысь ыпнитіс би да ньылыштіс яйсӧ няньыскӧд. Та бӧрын Господьлӧн андел муніс Гедеон дінысь.

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

1 Каднебӧг 21:26

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. Давид шыасис Господь дінӧ, и Господь вочавидзис сылы да висьпуктанін вылӧ ыстіс енэжсянь би.

Исай 62:1

Сион вӧсна ог кут чӧв овны, Ерусалим ради ог дугды висьтавлыны, кытчӧдз сылӧн веськыдлуныс оз воссьы югыд моз, сылӧн мездмӧмыс оз тыдовтчы ӧзъялысь би моз.

Ӧксыяслӧн 2 небӧг 22:9

Сылӧн скӧралӧмсянь кыптіс тшын, Сылӧн вомысь петіс сотысь би. Сысянь киссисны биа ӧгыръяс.

Ёрдысьяс 13:20

висьпуктанінсянь ыпнитысь би пытшкас Господьлӧн андел кыпӧдчис енэжлань. Тайӧс аддзӧмысь Маной да сылӧн гӧтырыс кымынь уськӧдчисны муӧ.

Индӧд 4:20

А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.

Олӧм 15:10

Ӧврам босьтіс найӧс ставнысӧ, керыштіс шӧрипӧв да пуктіс ӧта-мӧдныслы воча, а лэбачьяссӧ эз керышт.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Ӧксыяслӧн 3 небӧг 18:38

Сэки вылысянь сяркнитіс Господьлӧн биыс да ньылыштіс сотан висьсӧ, пессӧ, изъяссӧ, висьпуктанін дорысь мусӧ да кодйӧм гуранысь васӧ.

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.