Biblia Todo Logo
Bib sou entènèt

- Piblisite -




Олӧм 15:14 - Коми Библия 2023

14 Но найӧс нартитысь войтырӧс Ме мыжда. Та бӧрти тэсянь чужысьясыд петасны сэтысь [да локтасны татчӧ] ыджыд озырлунӧн.

Gade chapit la Kopi




Олӧм 15:14
24 Referans Kwoze  

Яковлӧн Египетӧ локтӧм бӧрын нартитӧм вӧсна батьясныд ойзӧмӧн-бӧрдӧмӧн шыасисны Господь дінӧ. Сэки Сійӧ мӧдӧдіс Мӧисейӧс Ааронкӧд, и найӧ петкӧдісны тіянлысь батьяснытӧ Египетысь да овмӧдісны найӧс татчӧ.


Сійӧ нуӧдіс Израиль войтырӧс саридз шӧрӧд, Сылӧн буралӧмыс оз помасьлы.


Ӧд Господь – миян Ен. Сійӧ петкӧдіс миянӧс да батьяснымӧс Египет муысь нартитӧм улысь. Миян син водзын Сійӧ вӧчис ыджыд индысьпасъяс, видзис миянӧс ветлан туйясын, дорйис войтыръясысь, кодъяслысь мусӧ ми вуджим.


Миян син водзын Господь [Ен] вӧчис ыджыд шензьӧданаторъяс да индысьпасъяс, дойдаліс египетсаясӧс, фараонӧс, сылысь гортсасӧ [да тышкайӧзсӧ].


А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.


Вӧчис тӧлысь да кодзувъяс, медым веськӧдлыны войӧн, Сылӧн буралӧмыс оз помасьлы.


Тэнад кывйыд сёрнитӧ бырӧдӧм йылысь, сійӧ бритва кодь лэчыд, тэ – ылӧдчысь!


Ме ыста тэнӧ фараон дінӧ [египетса ӧксы дінӧ]. Мун, петкӧд Египетысь Менсьым войтырӧс, Израиль пиянӧс!»


Найӧ шедісны вӧрӧглӧн кипод улӧ, мустӧмтысьяс дзескӧдісны найӧс.


Израиль шуис Ӧсиплы: «Ме регыд кула, но Енмыс лоӧ тіянкӧд. Сійӧ бӧр вайӧдас тіянӧс батьясныдлӧн муӧ.


Ӧсип шуис аслас вокъяслы: «Ме регыд кула, но Енмыс волас тіянла да петкӧдас тіянӧс тайӧ мусьыс сійӧ муас, мый кыв сетӧмӧн кӧсйысьліс Ӧвраамлы, Исааклы да Яковлы».


Войшӧр кадӧ Господь виис медводдза чужысьясӧс Египет муысь – юралысь фараонлӧн медводдза чужысьсянь да дзескыдінын пукалысьлӧн медводдза чужысьӧдз ставныс кулісны. Весиг ыж-мӧслӧн став медводдза чужысьыс куліс.


Но найӧс нартитысь войтырӧс Ме мыжда, – висьталӧ Ен. – Та бӧрти тэсянь чужысьясыд петасны сэтысь да пондасны кесъявны Меным тайӧ муас”.


Swiv nou:

Piblisite


Piblisite