Олӧм 15:13 - Коми Библия 2023

¹³ Господь шуис Ӧврамлы: «Тӧд, тэсянь чужысьяс овмӧдчасны йӧз муӧ. Нёльсё во чӧж найӧ лоӧны сэні кесйӧг туйынӧсь да нартитӧм улынӧсь.

Олӧм 15:13 Referans Kwoze

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Ап. уджъяс 7:17

Египетын миян войтырным ӧтарӧ содіс. Матысмис сійӧ кадыс, мый йылысь Енмыс кыв сетӧмӧн кӧсйысьліс Ӧвраамлы.

Галатӧ 3:17

Ме кӧсъя шуны: нёльсё комын во бӧрын петӧм Индӧдыс оз вермы бокӧ вештыны Кристос йылысь Енлысь кӧсйысьӧмсӧ да бырӧдны сійӧс.

Левит 19:34

Йӧз муысь локтысьясӧс, кодъяс олӧны тіян пӧвстын, лыддьӧй вужвойтырӧн. Радейтӧй найӧс асьнытӧ моз. Ӧд Египетын ті асьныд вӧлінныд локтысь войтырӧн. Ме – Господь, тіян Енныд.

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Индӧд 10:19

Ті тшӧтш радейтӧй йӧз муысь локтысьясӧс, ӧд ті асьныд вӧлінныд локтысьясӧн Египет муын.

Петӧм 23:9

Эн [ӧтдорт да эн] дзескӧд йӧз муысь локтысьӧс. Ті ӧд асьныд тӧдлінныд татшӧм олӧмсӧ, кор локтысьясӧн вӧлінныд Египет муын».

Петӧм 22:21

Энӧ дзескӧдӧй-кедзовтӧй йӧз муысь локтысьӧс, ӧд ті асьныд вӧлінныд локтысьясӧн Египет муын.

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

Олӧм 47:4

Ми локтім овны тайӧ муас, ӧд ыж-мӧснымлы йирсяніныс эз ло. Ханаан муын ёна тшыгъялӧны. Лэдз миянлы овмӧдчыны Гошен муӧ».

Петӧм 1:13

и найӧ чорыдджыка на пондісны уджӧдны Израиль войтырӧс.

Петӧм 2:24

Ен кыліс ойзӧмсӧ налысь да уськӧдіс тӧд вылас Ассьыс йитӧдсӧ, мый Сійӧ кӧрталіс Ӧвраамкӧд, Исааккӧд да Яковкӧд.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 3:10

Ме ыста тэнӧ фараон дінӧ [египетса ӧксы дінӧ]. Мун, петкӧд Египетысь Менсьым войтырӧс, Израиль пиянӧс!»

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Индӧд 5:15

Эн вунӧд, мый Египетын тэ ачыд вӧлін кесйӧг туйын, но Господь, тэнад Енмыд, петкӧдіс тэнӧ сэтысь Ассьыс вына кисӧ да ён сойсӧ лэптӧмӧн. Та вӧсна Господь, тэнад Енмыд, тшӧктіс видзны шойччан лунсӧ [мед сійӧ лоас тэныд вежа].

Псалтыр 105:42

Найӧ шедісны вӧрӧглӧн кипод улӧ, мустӧмтысьяс дзескӧдісны найӧс.

Петӧм 1:14

Курыд синва сора лои олӧмыс Израиль войтырлӧн. Найӧс ёна нартитісны, тшӧктісны вӧчны быдпӧлӧс сьӧкыд уджсӧ: талявны сёй, вӧчавны кирпич, уджавны видз-му вылын.

Лыд 20:15

Батьясным локтісны Египетӧ, и сэні ми дыр кад олім. Египетсаяс нартитісны миянӧс да миянлысь батьяснымӧс.