Олӧм 13:16 - Коми Библия 2023

¹⁶ Тэсянь чужысьыс лыа чир мында лоас. Вермас кӧ кодкӧ артавны лыа чирсӧ, вермас артавны и тэсянь чужысьсӧ.

Олӧм 13:16 Referans Kwoze

Лыд 23:10

Коді вермас артавны Яковсянь чужысьясӧс, лыддьыны Израильлысь лыдтӧм-тшӧттӧм войтырсӧ? Веськыда олысьяс моз мед ме кула, олӧм помӧй мед лоас налӧн кодь!

Олӧм 28:14

Тэсянь чужысьыс лоӧ лыа чир мында. Тэ паськӧдчан рытыввылӧ и асыввылӧ, войвылӧ и лунвылӧ. Тэ да тэсянь чужысьяс пыр бурсиӧмыс вуджас быд войтырлы.

Олӧм 32:12

Тэ шуин, мый Тэ бур вӧчан меным, и кӧсйысин, мый месянь чужысьыс лоас саридздор лыа мында – сы мында, мый некод оз вермы найӧс лыддьынысӧ».

Ӧксыяслӧн 3 небӧг 3:8

Тэнад бӧрйӧм войтырлӧн лыдыс сы мында, мый некод оз вермы лыддьыны-артавнысӧ, а Ме, тэнад кесйӧг – налӧн веськӧдлысь.

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Восьтӧм 7:9

Сэсся ме видзӧдлі да аддзи, мый юралан пуклӧс водзын да Баля водзын сулаліс лыдтӧм-тшӧттӧм йӧз чукӧр. Найӧ вӧліны быд чужанвужйысь да чужанкотырысь, быд кыла йӧз пытшкысь да быд войтырысь. Найӧ вӧліны еджыд паськӧмаӧсь, а кианыс кутісны пальма росъяс

Еремей 33:22

Кыдзи енэжвыв кодзувъяссӧ он вермы лыддьыны, саридздор лыасӧ он вермы муртавны, сідзи жӧ он вермы лыддьыны Менам Давид кесйӧгсянь чужысьясӧс да Меным кесъялысь левитъясӧс, ӧд Ме рӧдмӧда найӧс».

1 Каднебӧг 27:23

Давид эз лыддьы кызь арӧсаясӧс да наысь томджыкъясӧс, ӧд Господьлӧн кӧсйысьӧм серти Израиль войтырлӧн лыдыс вӧлі енэжвыв кодзувъяс мында.

1 Каднебӧг 21:5

Йоав юӧртіс Давидлы войтырлысь лыдсӧ. Вӧлӧмакӧ, Израильын миллион сё сюрс морт, кодъяс вермӧны тышӧ петны, а Иудаын – нёльсё сизимдас сюрс морт.

Ӧксыяслӧн 3 небӧг 4:20

Иуда да Израиль войтырлӧн лыдыс вӧлі саридздор лыа мында. Найӧ сёйисны-юисны да олісны нимкодясьӧмӧн.

Ёрдысьяс 6:5

Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Петӧм 1:7

Израиль войтырлӧн чужис зэв уна ныв-пи. Тадзи войтырыс ёна содіс да паськаліс став му пасьталаыс.

Олӧм 46:3

Ен шуис: «Ме – Ен, тэнад батьлӧн Ен. Эн пов мунны Египетӧ. Сэні Ме сета тэсянь чужны унасьыс-уна войтырлы.

Олӧм 35:11

Нӧшта Ен шуис сылы: – Ме – Ставсӧвермысь Ен. Рӧдмы-чужтысь, тэсянь петасны войтыръяс, тэсянь чужасны ӧксыяс.

Олӧм 28:3

Мед бурсиас тэнӧ Ставсӧвермысь Ен! Мед Сійӧ сетас тэныд зэв уна чужысьӧс! Тэ лоан унасьыс-уна войтырлы бать.

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,

Олӧм 21:13

Кесйӧг писяньыд Ме тшӧтш сета чужны [уна лыда] войтырлы, ӧд сійӧ тэсянь чужысь».

Олӧм 18:18

Ӧвраамсянь збыльысь чужас ыджыд да ён войтыр. Сы пыр вуджас бурсиӧмыс быд войтырлы.

Олӧм 17:20

Измаил йылысь тэнсьыд корӧмтӧ Ме кылі. Ме бурсиа сійӧс да сета сылы зэв уна чужысьӧс. Сійӧ лоас дас кык ӧксылы да унасьыс-уна войтырлы бать.

Олӧм 17:16

Ме бурсиа сійӧс да сета сылы чужтыны тэныд пиӧс. Бурсиа Сарраӧс, и сысянь чужасны войтыръяс да войтыръяслӧн ӧксыяс».

Олӧм 17:6

Тэсянь чужысьыс унасьыс-уна лоӧ, тэсянь петасны войтыръяс да ӧксыяс.

Еврейяслы 11:12

Тадзи ӧти мортсянь, Ӧвраамсянь, коді вӧлі пӧрысь нин, чужис сы мында олысь, мыйта енэжас лыдтӧм-тшӧттӧм кодзулыс да саридз дорын лыаыс.

Олӧм 16:10

Ме содтӧмӧн содта тэсянь чужысьясӧс, найӧ лоӧны сы мында, мый некод лыддьынысӧ оз вермы.

Олӧм 17:2

Ме кӧртала тэкӧд йитӧд да сета тэсянь чужны унасьыс-уна войтырлы».

Ӧксыяслӧн 4 небӧг 13:23

Но Господь бурсьӧлӧмтчис израильсаяс дінӧ. Ӧвраамкӧд, Исааккӧд да Яковкӧд кӧрталӧм йитӧдыс вӧсна Сійӧ петкӧдліс на дінӧ Ассьыс буралӧмсӧ. Господь эз кӧсйы бырӧдны израильсаясӧс, эз на вӧтлы найӧс Аслас чужӧмбан водзысь.

2 Каднебӧг 1:9

Господьӧй Енмӧй, мед инас Тэнад кывйыд, мый Тэ шулін менам Давид батьлы. Тэ пуктін менӧ ӧксыӧ, медым веськӧдлыны войтырӧн, кодлӧн лыдыс мувывса бус мында.

Олӧм 32:13

Войсӧ Яков узис сэні. Асывнас сійӧ лӧсьӧдіс Исав вокыслы козинъяс:

Иов 5:25

Тэ аддзан, мый тэсянь чужысьыс вывті уна, налӧн лыдыс – видзвыв турун мында.