Олӧм 13:10 - Коми Библия 2023

¹⁰ Лот аддзис, мый Йӧрдан ковтыс Цоар карӧдз вӧлі Господьлӧн сад йӧр кодь да уна ваа Египет му кодь. Тайӧ вӧлі Господьӧн Содом да Гомора каръяс бырӧдтӧдз на.

Олӧм 13:10 Referans Kwoze

Индӧд 34:3

Негев му да став ковтыссӧ Ериконсянь, мӧд ногӧн кӧ, Пальма карсянь, Цоарӧдз.

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Олӧм 14:8

Сэки содомса, гомораса, адмаса, севоимса да беласа, мӧд ногӧн цоарса, ӧксыяс петісны тышӧ Сиддим ковтысын

Йоиль 2:3

Сы водзвылын мунӧ бырӧдана би, бӧрсяньыс – ыпъялысь би. Водзвылас муыс Эдэм сад кодь, бӧрвылас – кушмӧм овтӧмин. Некод оз вермы мездмынысӧ.

Олӧм 14:2

петісны тышӧ содомса Бер ӧксылы, гомораса Бирша ӧксылы, адмаса Шинав ӧксылы, севоимса Шемевер ӧксылы да беласа, мӧд ногӧн цоарса, ӧксылы паныд.

Езекиль 28:13

Тэ олін Эдэмын, Енлӧн сад йӧрын. Тэнӧ мичмӧдісны дона изъяс: рубин, топаз, алмаз, хризолит, оникс, яшма, сапфир, карбункул да изумруд. Паськӧмтӧ вӧлі мичмӧдӧма зарниӧн. Ставыс тайӧ вӧлі дась нин сійӧ лунӧ, кор тэнӧ вӧлі вӧчӧма.

Ӧксыяслӧн 3 небӧг 7:46

Тайӧ дозмук-кӧлуйсӧ сывдісны-вӧчисны ӧксылӧн тшӧктӧм серти сёйӧд муын Йӧрдан ковтысын, Суккот да Цартан каръяс костын.

Езекиль 31:8

Весиг Енлӧн сад йӧрын сус пуяс вӧліны ичӧтджыкӧсь, кипарислӧн эз вӧвны сэтшӧм вожъясыс, платан пулӧн – сэтшӧм увъясыс. Енлӧн сад йӧрын ни ӧти пу эз вӧв сы кодь мича.

Еремей 48:34

Хешбонсянь Элялеӧдз бӧрдӧны моавсаяс, бӧрдӧм шыыс кылӧ Яхацӧдз, Цоарсянь Хоронаимӧдз да Эглат-Шелишияӧдз кылӧ горзӧм шы, ӧд весиг Нимрим юысь ваыс бырас.

Исай 15:5

Менам сьӧлӧмӧй бӧрдӧ Моав вӧсна. Моавсаяс пышйӧны Цоарӧ, мунӧны Эглат-Шелишияӧдз, найӧ бӧрдӧмӧн кайӧны Лухит керӧсӧ, Хоронаимӧ мунан туй вылын ойзӧны бырӧдӧм вӧсна.

Олӧм 6:2

сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Олӧм 3:6

Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Олӧм 11:27

Терахсянь чужысьяс йылысь. Терахлӧн чужисны Ӧврам, Нахор да Харан. Харанлӧн чужис Лот.

Олӧм 13:9

Вай торйӧдчам. Став муыс тэ водзын. Тэ кӧ мунан шуйгавылӧ, ме муна веськыдвылӧ, а мунан кӧ веськыдвылӧ, ме муна шуйгавылӧ».

Олӧм 13:11

Лот бӧрйис Йӧрдан ковтыс да веськӧдчис асыввылӧ. Тадзи найӧ Ӧврамкӧд торъялісны ӧта-мӧдсьыныс.

Олӧм 47:6

Египет муыс ставнас тэ водзын, медбур местаас овмӧд батьтӧ да вокъястӧ. Мед оласны Гошен муын. И сюрас кӧ на пӧвстысь тӧлка йӧз, пукты найӧс веськӧдлыны менам ыж-мӧс видзысьясӧн».

Иов 40:23

Кӧрталас-ӧ сійӧ тэкӧд йитӧд, босьтан-ӧ тэ сійӧс кесйӧгӧ пыр кежлӧ?

Езекиль 16:46

Ыджыд чойыд – Самария, коді олӧ аслас нывъясыскӧд тэсянь войвылын. А ичӧтджык чойыд – Содом, коді олӧ аслас нывъясыскӧд тэсянь лунвылын.

Езекиль 16:49

Со татшӧм вӧлі Содом чойыдлӧн мыжыс. Содом да сылӧн нывъясыс вӧліны тшапӧсь, найӧ лышкыда да кокньыда олісны, эз отсасьны гӧльяслы да коньӧръяслы.

Езекиль 31:9

Ме вӧчи сійӧс мичаӧн, быдті сылы уна вож. Эдэмын, Енлӧн сад йӧрын, быдмысь пуяс вежалісны сылы.

Езекиль 47:18

Асыввылын мудорыс мунас Хавран да Дамаск муяс костті, Галаад да Израиль муяс костын мудорыс мунас Йӧрдан юті асыввыв саридз дорӧдз. Тайӧ асыввыв мудор.