Олӧм 12:8 - Коми Библия 2023

⁸ Сэтысянь Ӧврам мӧдӧдчис керӧслань, Вефильсянь асыввылӧ. Сэні сувтӧдіс ассьыс чомсӧ сідз, мый Вефиль вӧлі рытыввылын, а Гай – асыввылын. Сэсся вӧчис Господьлы висьпуктанін да шыасис Господь дінӧ.

Олӧм 12:8 Referans Kwoze

Неемий 11:31

Венямин чужанкотырлӧн оланінъясыс вӧліны Гевасянь да водзӧ: Микмас, Айя, Вефиль да сыгӧгӧрса сиктъяс,

Олӧм 4:26

Сифлӧн чужис пи. Сиф пуктіс сылы Енос ним. Тайӧ кадсянь кутісны шыасьны Ен дінӧ Господь нимӧн.

Олӧм 21:33

Бер-Шеваын Ӧвраам пуктіс тамариск пу да шыасис Господь нимӧ, пыр олысь Ен дінӧ.

1 Коринфӧ 1:2

ми чолӧмалам тіянӧс, Енлысь коринфса вичкосӧ. Исус Кристос пыр Енмыс вежӧдіс тіянӧс да корис лоны Аслас вежа войтырӧн. Ми чолӧмалам быдӧнӧс, коді быдлаын миян моз шыасьӧ Исус Кристос Господьным дінӧ.

Олӧм 28:19

Тайӧ местасӧ Яков нимтіс Вефильӧн, а таӧдз нимыс вӧлі Луз.

Олӧм 13:4

Ӧврам локтіс аслас водзынджык вӧчлӧм висьпуктанін дорӧ да шыасис Господь дінӧ.

Ап. уджъяс 2:21

И быдӧн, коді шыасяс Господь дінӧ, мездмас.

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Исай 10:28

Ассурса тышкайӧз локтісны Айят кар пыр, мунісны Мигрон кар бокиті, Микмасын найӧ колисны ассьыныс эмбурнысӧ.

Нав Исус 18:22

Бет-Арава, Цемараим, Вефиль,

Нав Исус 8:17

Гайын да Вефильын эз вӧв сэтшӧм мортыс, коді эськӧ эз вӧтӧд израильсаясӧс. Израильсаясӧс вӧтӧдігкості карныс вӧлі восьса.

Нав Исус 8:3

Исус став аслас тышкайӧзкӧд дасьтысис уськӧдчыны Гай кар вылӧ. Сійӧ бӧрйис комын сюрс медбур тышкамортӧс да войнас мӧдӧдіс найӧс.

Нав Исус 7:2

Исус мӧдӧдіс ассьыс йӧзсӧ Ериконысь Гайӧ. Гай кар вӧлі Бет-Авенсянь матын, Вефильсянь асыввылын. Исус тшӧктіс налы: «Мунӧй видзӧдалӧй мусӧ». Найӧ ветлісны видзӧдавны Гай кар.

Олӧм 35:3

Мунам Вефильӧ. Сэні ме сувтӧда висьпуктанін Енлы, коді кыліс менӧ сьӧкыд кадӧ да пыр вӧлі мекӧд [и видзис менӧ] ветліг-мунігъясӧ».

Еврейяслы 11:9

Эскӧмӧн Ӧвраам овмӧдчис кӧсйысьӧм муӧ да локтысь моз оліс сэні чомъясын. Сы моз олісны чомъясын Исаак да Яков, кодъяслы тшӧтш вӧлі сетӧма Енлысь кӧсйысьӧмсӧ.

Олӧм 8:20

Ной вӧчис Господьлы висьпуктанін. Босьтіс сӧстӧм пемӧсъясӧс да сӧстӧм лэбачьясӧс да висьпуктанін вылын вайис найӧс сотан вись пыдди.

Олӧм 13:3

Негевысь сійӧ муніс бӧр Вефильлань. Сэні, Вефиль да Гай костын, коркӧ сулавліс нин сылӧн чомйыс.

Олӧм 13:18

Ӧврам чомъяснас вешйис Хевронӧ, Мамре тупу раскӧ. Сэтчӧ сувтӧдіс Господьлы висьпуктанін.

Олӧм 22:9

Воисны местаӧдз, кытчӧ тшӧктіс мунны Ен. Ӧвраам сувтӧдіс висьпуктанін, пукталіс сэтчӧ пессӧ. Сэсся кӧрталіс Исаак писӧ да пуктіс пес вылӧ вись пыдди.

Олӧм 26:25

Исаак сувтӧдіс висьпуктанін да шыасис Господь дінӧ. Сэсся паськӧдіс сэтчӧ чом, а кесйӧгъясыс кодйисны юкмӧс.

Нав Исус 8:9

Исус тшӧктіс мунны налы. Найӧ сувтісны кыйӧдчыны Вефиль да Гай костӧ, Гайсянь рытыввылӧ. Исус тайӧ войсӧ узис тышкайӧзыс пӧвстын.

Нав Исус 8:12

Найӧ сувтісны Гай кар войвывладорӧ. Карсьыс найӧс торйӧдіс ковтыс. Гайсянь рытыввылӧ, Вефиль да Гай костӧ, Исус пуксьӧдіс кыйӧдчыны вит сюрс мортӧс.

Ӧксыяслӧн 1 небӧг 30:27

Давид ыстіс козинъяссӧ Вефильӧ, лунвыв Рамотӧ, Яттирӧ, [Гефорӧ,]

Олӧм 31:25

Лаван суӧдіс Яковӧс. Ассьыс чомъяссӧ Яков вӧлі зэвтӧма керӧс вылӧ. Лаван рӧдвужыскӧд тшӧтш зэвтісны чомъяснысӧ Галаад керӧсвыв муӧ.

Олӧм 33:20

Яков лэптіс сэтчӧ тшӧтш висьпуктанін да шыасис Израильлӧн Господь Ен дінӧ.

Олӧм 35:7

Сэтчӧ лэптіс висьпуктанін да нимтіс тайӧ местасӧ Эл-Бетэльӧн. Ӧд сэні Исав воксьыс пышйигас сылы петкӧдчис Ен.

Петӧм 17:15

Мӧисей вӧчис висьпуктанін [Господьлы] да нимтіс сійӧс Яхве-нисси.

Нав Исус 8:30

Эвал керӧс вылӧ Исус лэптіс висьпуктанін Господьлы, Израильлӧн Енлы.

Нав Исус 22:10

Рувим да Гад чужанкотыръяс да Манассейлӧн джын чужанкотырыс воисны Йӧрдан ю дорӧ. Сэтчӧ, Ханаан муӧ, найӧ лэптісны ыджыд висьпуктанін.

Ёрдысьяс 6:24

Гедеон вӧчис сэні Господьлы висьпуктанін да нимтіс сійӧс ”Яхве-шалом”. Висьпуктаніныс ӧнӧдз сулалӧ Офраын, Авиэзер рӧдлӧн му вылас.