Олӧм 12:15 - Коми Библия 2023

¹⁵ Фараонлӧн ыджыд чина йӧзыс тшӧтш аддзылісны Сараӧс да ошкисны сійӧс фараонлы. Сараӧс вайӧдісны фараон керкаӧ.

Олӧм 12:15 Referans Kwoze

Олӧм 20:2

Ӧвраам ассьыс Сарра гӧтырсӧ шуис чойӧн. [Ӧд сійӧ поліс шуны гӧтырнас, мед сэтчӧс карса олысьяс эз вины сы вӧсна Ӧвраамӧс.] Авимелек, Герар карса ӧксы, тшӧктіс аслас йӧзлы вайӧдны Сарраӧс ас ордас.

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

Еремей 46:17

Фараон йылысь горзӧны: «Фараон, египетса ӧксы, нинӧм абусӧ больгӧ, сійӧ воштіс сылы индӧм кадсӧ».

Шусьӧгъяс 29:12

Юралысь кӧ кывзӧ ылӧг сёрнияс, сылӧн кесъялысьясыс лёксӧ вӧчны кутасны.

Шусьӧгъяс 6:29

Тадзи лоӧ сыкӧд, коді ветлӧ йӧз гӧтыр дінӧ, мыждытӧг оз коль сійӧ, коді инмӧдчӧ мӧдлӧн гӧтыр дінӧ.

Псалтыр 105:4

Господьӧй, Аслад войтырыд дінӧ буралігӧн эн вунӧд ме йылысь, лок ме дінӧ, мезды менӧ,

Ӧксыяслӧн 4 небӧг 18:21

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Ӧксыяслӧн 3 небӧг 3:1

Соломонлӧн юралӧмыс вӧлі зумыд. Соломон босьтіс гӧтырӧ египетса фараонлысь нывсӧ, тадзи найӧ рӧдвужасисны фараонкӧд. Гӧтырсӧ Соломон вайӧдіс Давид карӧ. Сэні гӧтырыс оліс, кытчӧдз Соломон эз лэпты Ерусалимын аслыс олан керка, Господьлы крам да Ерусалим гӧгӧр стен.

Петӧм 2:15

Фараонлы кывсис, мый вӧчис Мӧисей. Сійӧ кӧсйис вины Мӧисейӧс, но Мӧисей пышйис Мадиан муӧ. Сэтчӧ воӧм бӧрын сійӧ пуксис юкмӧс дорӧ.

Петӧм 2:5

Ю дорӧ локтіс фараонлӧн нылыс. Сійӧ кутіс мыссьыны, а сылӧн кесйӧг аньясыс ветлӧдлісны ю пӧлӧнті. Фараон ныв аддзис эжӧр пиысь куд да тшӧктіс кесйӧг аньыслы судзӧдны сійӧс.

Олӧм 41:1

Коли кык во. Фараон вӧтасис, быттьӧ сійӧ сулалӧ Нил ю дорын.

Езекиль 32:2

«Морт пиӧй, сьыв фараон йылысь, египетса ӧксы йылысь, бӧрдӧдчанкыв. Шу сылы: – Войтыръяс пӧвстын тэ том лев, саридзын олысь гундыр. Быгзьӧдан юястӧ, ва пыдӧссӧ талялан, визув васӧ гудыртан.

Еремей 25:19

Ме юктӧді фараонӧс, египетса ӧксыӧс, сылысь кесъялысьяссӧ, юралысьяссӧ да став сылысь войтырсӧ,

Олӧм 12:14

Ӧврам воис Египетӧ. Египетсаяс аддзисны, мый Сара зэв мича ань.

Олӧм 26:7

Кор сэтчӧс олысьяс юалісны Исааклысь Ревекка йылысь, сійӧ шуис, тайӧ пӧ менам чой. Исаак поліс, мый сійӧс виасны Ревекка гӧтырыс вӧсна, ӧд сылӧн гӧтырыс вӧлі зэв мича. Та вӧсна Ревеккаӧс эз шу гӧтырнас.