Олӧм 1:14 - Коми Библия 2023

¹⁴ Ен шуис: «Енэжвевтын мед лоасны югдӧданторъяс. Найӧ мед [югдӧдасны мусӧ,] торйӧдасны лунсӧ войысь, петкӧдласны лунъяс, вояс да кадъяс

Олӧм 1:14 Referans Kwoze

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.

Еремей 31:35

Господь пуктіс шонді югзьӧдны луннас, тшӧктіс тӧлысьлы да кодзувъяслы югзьӧдны войнас, Сійӧ гызьӧдӧ саридз, медым гыясыс ыджыд шыӧн бузгисны. Сылӧн нимыс – Господь Саваоф. Сійӧ тадзи висьталӧ:

Псалтыр 148:3

Ошкӧй Сійӧс, шонді и тӧлысь, ошкӧй Сійӧс, дзирдалысь кодзувъяс!

Псалтыр 148:6

Сійӧ сувтӧдіс найӧс нэмъяс кежлӧ, сетіс вежсьывлытӧм индӧдъяс.

Амос 5:8

Сійӧ вӧчис Корӧся да Куима кодзув чукӧръяс, сап пемыдсӧ вежӧ асъя югыдӧ, лунсӧ – войӧ. Саридзысь Сійӧ чукӧстӧ васӧ да мусӧ киськалӧ. Сылӧн нимыс – Господь!

Йоиль 3:15

Шондіыс да тӧлысьыс пемдасны, кодзувъяс югӧрсӧ воштасны.

Еремей 10:2

Господь тадзи висьталӧ: – Энӧ олӧй мукӧд войтыръяс моз, на моз энӧ полӧй енэжвывса индысьпасъясысь.

Псалтыр 81:3

Дорйӧй гӧльясӧс да батьтӧм-мамтӧмъясӧс, веськыда мыждӧй увтыртӧмаясӧс да коньӧръясӧс.

Олӧм 8:22

Кытчӧдз кутас сулавны муыс, лоӧ кӧдзӧм да вундӧм, кӧдзыд да шоныд, гожӧм да тӧв, лун да вой».

Исай 40:26

Лэптӧй синнытӧ вывлань да видзӧдлӧй: коді ставсӧ тайӧс вӧчис? Сійӧ, коді вӧчис енэжвывса югзьӧданторъяс, тӧдӧ налысь лыдсӧ, ставнысӧ шуӧ нимнас. Найӧ ставныс ӧтитӧг мыччысьӧны – татшӧм ыджыд Сылӧн выныс да вынйӧрыс!

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

Еремей 33:20

«Господь тадзи висьталӧ: Ме кӧрталі луныскӧд да войыскӧд йитӧд, и тайӧ йитӧдсӧ ті онӧ вермӧй торкнысӧ. Луныс и войыс локтӧны ас кадӧ.

Восьтӧм 6:12

Кор Баля жугӧдіс квайтӧд печатьсӧ, ме аддзи, мый муыс кутіс ёна вӧрны, шондіыс пемдіс да лои сьӧд дӧра кодь, а тӧлысьыс лои вир гӧрд рӧма.

Матвей 2:2

Найӧ юалісны: «Кӧні иудейяслӧн пузчужӧм ӧксыыс? Асыввылысь ми аддзылім Сылысь кодзувсӧ да локтім Сылы копыртчывны».

Езекиль 46:1

«Господь Ыджыдыс тадзи висьталӧ: квайт уджалан лун чӧж пытшкӧс йӧрӧ нуӧдысь асыввыв пыранін мед лоӧ пӧдса, а шойччан лунӧ да выль тӧлысь пасъян лунӧ мед лоӧ восьса.

Еремей 33:25

Господь тадзи висьталӧ: кыдзи Ме ог торк йитӧдӧс, мый кӧрталі луныскӧд да войыскӧд, да ог веж индӧдъяс, мый лӧсьӧді енэжыслы да муыслы,

Иов 25:5

Ен син водзын весиг тӧлысьыс абу югыд, енэжвыв кодзувъяс абу сӧстӧмӧсь.

Олӧм 9:13

кымӧръясӧ Ме пукта Ассьым ӧшкамӧшка. Сійӧ лоас Ме да мувыв олысьяс костын кӧрталӧм йитӧдлӧн пасӧн.

Восьтӧм 8:12

Кор нёльӧд анделыс тутсіс трубаӧ, шонділӧн, тӧлысьлӧн да кодзувъяслӧн коймӧд юкӧныс кусіс, налӧн коймӧд юкӧныс пемдіс. Та вӧсна луныслӧн да войыслӧн коймӧд юкӧныс вӧлі пемыд.

Лука 23:45

Шонді югыдыс быри, крамын ӧшалысь дӧраыс шӧрипельӧ косяссис.

Марк 13:24

«Сійӧ лунъясӧ, тайӧ шог бӧрас, шондіыс пемдас, тӧлысьыс кусас,

Езекиль 46:6

Выль тӧлысь пасъян лунӧ ӧксы мед вайӧ сотан вись пыдди дзоньвидза ӧти ӧшкӧс, дзоньвидза квайт баляпиӧс да дзоньвидза ӧти межӧс.

Иов 25:3

Сылысь тышкакотыръяссӧ верман-ӧ артавны? Сылӧн югыдыс оз-ӧ югды быд морт весьтын?

Иов 3:9

Асъя кодзувъяс мед кусасны югдытӧдзыс на, сійӧ войыс мед весьшӧрӧ виччысяс югдӧмсӧ, мед оз аддзыв кыа петӧмсӧ,

Восьтӧм 9:2

Кор сійӧ восьтіс пыдӧстӧминсӧ, сэтысь ыджыд пачысь моз пуркнитіс тшын. Тайӧ тшынсьыс пемдіс шондіыс и сынӧдыс.

Олӧм 1:13

Вӧлі рыт, вӧлі асыв – коймӧд лун.

Олӧм 1:15

и югдӧдасны мусӧ енэжвевтсянь». И лои тадз.

Псалтыр 150:1

Аллилуйя! Ошкӧй Енмӧс Сылӧн вежаинын, ошкӧй Сійӧс енэжъясын!