Ӧксыяслӧн 4 небӧг 9:37 - Коми Библия 2023

³⁷ Сылӧн шойыс разалас изреельса видз-му вылын куйӧд моз. И некод оз вермы шуны, мый тайӧ Езавельлӧн шойыс”».

Ӧксыяслӧн 4 небӧг 9:37 Referans Kwoze

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Псалтыр 83:10

Енмӧй, миянӧс Дорйысьӧй, видзӧдлы Аслад Мавтыштӧмаыд вылӧ.

Еремей 36:20

Юралысьяс колисны гижӧд тубрассӧ Элишам гижалысьлӧн вежӧсӧ да мунісны ӧксы керка йӧрӧ. Найӧ висьталісны ӧксылы гижӧд тубрас йылысь.

Еремей 25:33

Сійӧ лунӧ Господьӧн пасьвартӧмаяс кутасны туплясьны му вылын, му помсянь помӧдзыс. На вӧсна некод оз кут бӧрдны, налысь шойяссӧ оз чукӧртны, оз гуавны, куйӧд моз найӧ кутасны куйлыны му вылын.

Еремей 22:19

Сійӧс гуаласны осёлӧс моз. Сылысь шойсӧ кыскасны да шыбитасны ерусалимса дзиръя сайӧ.

Еремей 9:22

Юӧрт тадзи: видз-му вылӧ шыблалӧм куйӧд моз шойясыс кутасны туплясьны му вылын. Вундӧм бӧрти чукӧрттӧм кольтаяс моз шойясыс пондасны сярвидзны му вылын, и некод найӧс оз чукӧрт, – висьталӧ Господь.

Еклесиаст 6:3

Мортыд вермас дыр овны, сылӧн вермас чужны сё ныв-пи, но сійӧ кӧ оз нимкодясь аслас овмӧс-эмбурнас, и кулӧм бӧрас сійӧс оз дзебны, шуа, мый чӧвтчӧм кага сы дорысь шудаджык.

Нав Исус 15:56

Изреель, Иокдам, Заноах,

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Еремей 8:1

Сійӧ кадас, – висьталӧ Господь, – иудаса ӧксыяслысь, юралысьяслысь, попъяслысь да пророкъяслысь лыяссӧ и Ерусалим карын олысьяслысь лыяссӧ босьтасны дзебанінъясысь.

Псалтыр 83:11

Тэнад крамбердса йӧръясын ӧти луныс бурджык мукӧдлаын сюрс лун коллялӧм дорысь. Бурджык овны Енлӧн крам дзиръя дорын лёк вӧчысьяслӧн керкаын олӧм дорысь.