Ӧксыяслӧн 4 небӧг 9:3 - Коми Библия 2023

³ Сэні кисьт сылы юр вылас дозсьыд выйтӧ да шу, мый Господь тадзи висьталӧ: ”Ме мавтышта тэнӧ ӧксыӧ Израиль войтырлы”. Сэсся восьт ӧдзӧссӧ да котӧрӧн пышйы сэтысь».

Ӧксыяслӧн 4 небӧг 9:3 Referans Kwoze

Ӧксыяслӧн 3 небӧг 19:16

А Израиль войтырлы мавтыштӧмӧн пукты ӧксыӧ Нимшилысь Еху писӧ. Пророкӧ ас пыддиыд мавтышт Авел-Мехолаысь Елисейӧс, Шафатлысь писӧ.

Матвей 2:13

Тӧдысьяслӧн мунӧм бӧрын Господьлӧн андел петкӧдчис Ӧсиплы вӧтас да шуис: «Чеччы, босьт кагатӧ мамыскӧд да пышйы Египет муӧ. Ов сэні менам шутӧдз. Ирӧд кутас корсьны кагатӧ, мед вины Сійӧс».

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Даниил 2:1

Навукодоносор аслас мӧд веськӧдлан воӧ аддзыліс вӧтъяс. Сылӧн лолыс пондіс майшасьны, и сійӧ эз вермы узьнысӧ.

2 Каднебӧг 22:7

Но Енмыслӧн вӧлі шуӧма, мый Иорам дінӧ Ахазийлӧн локтӧмыс вайӧдас сійӧс кулӧмӧдз. Локтӧм бӧртиыс Ахазий Иорамкӧд мунісны Нимшилӧн Еху пи дінӧ, кодӧс Господь вӧлі мавтыштӧма, медым сійӧ бырӧдас Ахавлысь рӧдсӧ.

Ӧксыяслӧн 4 небӧг 8:13

Азаил шуис: «Коді ме сэтшӧмыс, тэнад кесйӧг, медым вӧчны татшӧмторсӧ? Ме ӧд сӧмын пон [шой]». Елисей шуис: «Господь петкӧдліс меным, мый тэ арамса ӧксыӧн лоан».

Ӧксыяслӧн 1 небӧг 16:2

Самуил воча шуис: «Ме ог вермы сэтчӧ мунны. Саул кӧ кывлас, виас менӧ». Господь шуис: «Босьт аскӧдыд куканьӧс да шу, мый тэ локтін вись вайны Господьлы.

Ӧксыяслӧн 1 небӧг 15:17

Самуил пондіс висьтавны: «Эн-ӧ тэ асьтӧ нинӧмӧ пукты, кор лоин Израиль чужанкотыръяслы юралысьӧн? Но Господь мавтыштіс тэнӧ да пуктіс ӧксыӧ Израиль войтырлы.

Ӧксыяслӧн 1 небӧг 15:1

Самуил шуис Сауллы: «Господьлӧн тшӧктӧм серти ме мавтыштӧмӧн пукті тэнӧ Сылӧн Израиль войтырлы ӧксыӧ. Ӧні тэ кывзы Господьлысь кывсӧ.

Ӧксыяслӧн 1 небӧг 9:16

«Аски тайӧ кадас Ме мӧдӧда тэ дінӧ Венямин муысь мортӧс. Тэ мавтышт сійӧс, пукты юралысьӧ Менам Израиль войтырлы. Сійӧ мездас Менсьым войтырӧс филистимсаяслӧн киысь, ӧд Ме видзӧдлі Аслам войтыр вылӧ да кылі налысь ойзӧмсӧ».

Левит 8:12

Ааронлы юр вылас Мӧисей кисьтіс мавтыштан вый. Тадзи мавтыштіс да вежӧдіс сійӧс.

Петӧм 29:7

Сэсся босьт мавтыштан вый да кисьт Ааронлы юр вылас. Тадзи тэ мавтыштан сійӧс.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Матвей 26:7

Исус дінӧ локтіс ань, сійӧ вайис вальді дозйын дона вый. Исуслӧн сёйигӧн ань кисьталіс выйсӧ Исуслы юр вылас.

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 3 небӧг 1:34

Сэні Садок поп да Нафан пророк мед мавтыштӧмӧн пуктасны сійӧс ӧксыӧ Израильлы. Сэсся буксан шы улӧ гораа горзӧй: ”Мед олас Соломон ӧксы!”

Ӧксыяслӧн 4 небӧг 9:6

Еху чеччис да пырис сыкӧд керкаас. Сэні пророк-велӧдчысь кисьтіс сылы юр вылас вый да шуис: «Господь, Израильлӧн Ен, тадзи висьталӧ: ”Ме мавтышта тэнӧ ӧксыӧ Господьлӧн войтырлы – Израильлы.