Ӧксыяслӧн 4 небӧг 8:6 - Коми Библия 2023

⁶ Ӧксы юасис аньлысь лоӧмтор йывсьыс, а мӧдыс ставсӧ сьӧрсьӧн-бӧрсьӧн висьталіс сылы. Сэки ӧксы тшӧктіс аслас ыджыд чина мортлы отсавны тайӧ аньыслы. Ӧксы шуис: «Видзӧд, мед аньлысь став овмӧссӧ бӧр сетасны сылы. Нӧшта аньлы мед мынтысясны няньсьыс, мый сылӧн му вылын быдмис сійӧ лунсяньыс, кор сійӧ петіс тайӧ мусьыс».

Ӧксыяслӧн 4 небӧг 8:6 Referans Kwoze

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Ӧксыяслӧн 2 небӧг 9:7

Давид шуис: «Эн пов. Тэнад Ионафан батьыд вӧсна ме лоа бур сьӧлӧма тэ дінӧ. Ме тэныд бӧр сета Саул пӧльыдлысь видз-мусӧ. А ачыд тэ кутан сёйны-юны менам пызан сайын».

1 Каднебӧг 28:1

Давид чукӧртіс Ерусалимӧ израильса веськӧдлысьясӧс. На лыдын вӧліны чужанкотыръяслӧн юралысьяс, ӧксылӧн тышкакотыръясӧн веськӧдлысьяс, тышкайӧзлӧн юралысь-веськӧдлысьяс, ӧксылӧн да сылӧн пияныслӧн овмӧс да ыж-мӧс вӧсна кывкутысьяс, ыджыд чина йӧз да став тӧдчана йӧз.

Ӧксыяслӧн 4 небӧг 9:32

Ӧшиньлань юрсӧ лэптӧмӧн Еху юаліс: «Эм-ӧ тані кодкӧ ме дор?» Ӧшиньӧдыс мыччысисны кык-куим ыджыд чина морт.

Индӧд 22:2

Но он кӧ тӧд, кодлӧн пемӧсыс, либӧ нуӧднысӧ ылӧдз, видзышт пемӧссӧ ас ордад. Кор кӧзяиныс кутас корсьны и локтас тэ дінӧ, сет сылы пемӧссӧ.

Олӧм 37:36

Египетын мадиансаяс вузалісны Ӧсипӧс фараонлӧн ыджыд чина мортлы – Потифарлы, фараонӧс видзысьясӧн веськӧдлысьлы.

Ёрдысьяс 11:13

Аммон войтырлӧн ӧксы шуис Еффайлӧн юӧртысьяслы: «Египетысь петӧм бӧрын Израиль войтыр босьтіс менсьым муӧс Арнон юсянь Явок юӧдз да Йӧрдан юӧдз. Бурӧн бӧр сет сійӧс меным [и ме вешъя]».

Ӧксыяслӧн 4 небӧг 8:5

Кор Гезий вӧлі висьталӧ, кыдзи Елисей ловзьӧдіс кулӧм мортӧс, ӧксы дінӧ локтіс сійӧ аньыс, кодлысь писӧ Елисей ловзьӧдіс. Ань корис ӧксылысь ассьыс мусӧ да керкасӧ. Гезий шуис: «Ӧксыӧй-ыджыдӧй, тайӧ – буретш сійӧ аньыс да сылӧн пиыс, кодӧс Елисей ловзьӧдіс».

Ӧксыяслӧн 4 небӧг 8:7

Елисей локтіс Дамаск карӧ. Арамейяслӧн Бен-Хадад ӧксы сэки вӧлі висьӧ. Ӧксылы юӧртісны, карас пӧ локтіс Енлӧн морт.