Ӧксыяслӧн 4 небӧг 8:13 - Коми Библия 2023

¹³ Азаил шуис: «Коді ме сэтшӧмыс, тэнад кесйӧг, медым вӧчны татшӧмторсӧ? Ме ӧд сӧмын пон [шой]». Елисей шуис: «Господь петкӧдліс меным, мый тэ арамса ӧксыӧн лоан».

Ӧксыяслӧн 4 небӧг 8:13 Referans Kwoze

Ӧксыяслӧн 1 небӧг 17:43

Сійӧ шуис: «Ме вылӧ беддьӧн [да изйӧн] петін? Ме ӧмӧй пон?» [Давид вочавидзис: «Абу, но тэ понйысь на лёк».] Сэки филистимса ёрис Давидӧс аслас енъясӧн.

Ӧксыяслӧн 3 небӧг 19:15

Господь шуис Иллялы: «Мун Дамаскӧ овтӧминӧд сійӧ жӧ туйӧдыс, кыті локтін. Сэтчӧ воӧм бӧрын мавтыштӧмӧн пукты Азаилӧс арамейяслы ӧксыӧ.

Ӧксыяслӧн 2 небӧг 9:8

Мепибошет копыртчӧмӧн шуис: «Коді ме сэтшӧмыс, мый тэ тӧждысян аслад кесйӧг вӧсна, татшӧм пон шой вӧсна?»

Матвей 7:6

Вежасӧ энӧ сетӧй понъяслы да донаторнытӧ энӧ коялӧй порсьяслы. Вӧчанныд кӧ тадзи, понъяс уськӧдчасны да косявласны тіянӧс, а порсьяс ставсӧ таляласны».

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Ӧксыяслӧн 4 небӧг 8:10

Елисей вочавидзис: «Мун да висьтав сылы, мый бурдас. Но Господь восьтіс меным, мый сійӧ кулас».

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Филипӧ 3:2

Видзчысьӧй ”понъясысь”, ӧд тайӧ лёк вӧчысьясыс тшӧктӧны вундыштчыны.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Ӧксыяслӧн 4 небӧг 13:22

Иохазлӧн ӧксыалігӧн арамейяслӧн Азаил ӧксы эз дугдыв дзескӧдны Израильӧс.