Ӧксыяслӧн 4 небӧг 8:10 - Коми Библия 2023

¹⁰ Елисей вочавидзис: «Мун да висьтав сылы, мый бурдас. Но Господь восьтіс меным, мый сійӧ кулас».

Ӧксыяслӧн 4 небӧг 8:10 Referans Kwoze

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Закар 1:20

Сэсся Господь петкӧдліс меным нёль дорччысьӧс.

Амос 8:1

Господь Ыджыдыс петкӧдліс меным кисьмӧм яблӧг-груша тыра куд.

Амос 7:7

Со мый петкӧдліс меным Господь Ыджыдыс. Сійӧ сулаліс карса стен вылын, киас кутіс изъя кӧв.

Амос 7:4

Со мый петкӧдліс меным Господь Ыджыдыс. Сійӧ мӧдӧдіс мыждӧм могысь би. Биыс ньылыштіс пыдӧстӧм йирлысь васӧ да мулысь юкӧнсӧ.

Амос 7:1

Со мый петкӧдліс меным Господь Ыджыдыс. Сійӧ вӧчис саранча чукӧр буретш сэки, кор ӧксылысь турунсӧ вӧлі ытшкӧма, и петіс выль турун.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Езекиль 11:25

Ме висьталі пленӧ босьтӧмаяслы ставсӧ, мый восьтіс-петкӧдліс меным Господь.

Еремей 38:21

А он кӧ сетчы вавилонса ӧксылӧн киподувса юралысьяслы, сэки инас сійӧ, мый Господь петкӧдліс меным:

Ӧксыяслӧн 4 небӧг 1:16

Ӧксылы Илля шуис: «Господь тадзи висьталӧ: ”Израильын ӧмӧй абу Енмыс, кодлысь позьӧ юавны? Тэ мӧдӧдін йӧзтӧ юасьны экронса Ваал-Зевув енлысь. Та вӧсна тэ он чеччы вольпась вывсьыд, кӧні куйлан. Тэ кулан”».

Ӧксыяслӧн 4 небӧг 1:4

Господь тадзи висьталӧ ӧксыныдлы: тэ он чеччы вольпась вывсьыд, кӧні куйлан. Тэ кулан”». Илля муніс [да висьталіс тайӧс налы].

Ӧксыяслӧн 3 небӧг 22:15

Кор Микей локтіс ӧксы дінӧ, ӧксы юаліс: «Висьтав, Микей, уськӧдчыны-ӧ миянлы галаадса Рамот кар вылӧ?» Мӧдыс вочавидзис: «Уськӧдчы. Тэ верман. Господь сетас сійӧс тэнад киӧ, ӧксыӧй».

Олӧм 41:39

Ӧсиплы фараон шуис: «Енмыс ставсӧ тайӧс восьтіс тэныд. Сідзкӧ, тэысь вежӧра да мывкыда мортыс абу.

Олӧм 2:17

сӧмын бурсӧ и лёксӧ тӧдмалан пуысь эн сёй. Сёян кӧ, сійӧ жӧ лунӧ кулан».