Ӧксыяслӧн 4 небӧг 7:5 - Коми Библия 2023

⁵ Рытъя рӧмыднас найӧ мӧдӧдчисны арамейяслӧн сувтанінӧ. Кор воисны сэтчӧ, некодӧс эз аддзыны.

Ӧксыяслӧн 4 небӧг 7:5 Referans Kwoze

Индӧд 28:7

Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Езекиль 12:12

Накӧд тшӧтш юралысьныс босьтас нопсӧ пельпом вылас да петас карсьыс рытъя пемыднас. Карса стенмас сылы вӧчасны петан розь. Сійӧ тупкас чужӧмсӧ, медым оз аддзы мусӧ.

Ӧксыяслӧн 1 небӧг 30:17

Асъядорыс Давид уськӧдчис на вылӧ да рытӧдзыс ставнысӧ виаліс. Сӧмын нёльсё том зон пышйисны верблюдъяс вылын.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.

Левит 27:26

Ыж-мӧслысь медводдза чужысьӧс Господьлы сины оз позь, ӧд сійӧ сідзи нин Господьлӧн. Мӧслӧн да ыж-кӧзалӧн медводдза чужысьыс – Господьлӧн.

Левит 27:8

Кыв сетысь кӧ гӧльлун вӧснаыс оз вермы мынтысьны, сідзкӧ, мед ваяс кыв сетӧмӧн сиӧм мортӧс поп дінӧ. Поп мед донъялас сійӧс да индас вештысян донсӧ сы серти, мыйта вермас мынтынысӧ кыв сетысьыс.

Ӧксыяслӧн 4 небӧг 7:4

Карас кӧ пырам, сэні тшыгйысла кулам, татчӧ кӧ кольччам, тшӧтш кулам. Вай мунамӧй арамейяслӧн сувтанінӧ. Миянӧс кӧ найӧ оз вины, кутам овны, а виасны кӧ – кулам».

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».