Ӧксыяслӧн 4 небӧг 7:10 - Коми Библия 2023

¹⁰ Проказаӧн висьысьяс бӧр локтісны да висьталісны карса дзиръя видзысьяслы: «Ми вӧлім арамейяслӧн сувтанінын. Сэні весиг ӧти морт абу, оз кыв некутшӧм шы. Сӧмын домалӧм вӧв-осёлныс да эновтӧм чомъясныс сулалӧны сэні».

Ӧксыяслӧн 4 небӧг 7:10 Referans Kwoze

Псалтыр 127:1

Крамӧ мунігӧн сьылӧм. Шуда сійӧ, коді полӧ Господьысь, ветлӧ Сылӧн туйясӧд.

Ӧксыяслӧн 4 небӧг 7:11

Видзысьяс юӧртісны та йылысь ӧксылӧн йӧзыслы.

Ӧксыяслӧн 2 небӧг 18:26

Сэсся видзӧдысь аддзис мӧд котӧртысьӧс да горӧдіс дзиръя видзысьлы: «Нӧшта ӧти морт котӧртӧ». Ӧксы шуис: «Сійӧ тшӧтш юӧр вайӧ».

Ӧксыяслӧн 4 небӧг 7:9

Сэсся найӧ шуисны ӧта-мӧдныслы: «Ми вӧчам шогмытӧма, огӧ кӧ талун висьталӧй тайӧ бур юӧрсӧ. Асылӧдзыс кӧ огӧ юӧртӧй та йылысь ӧксынымлы, миянӧс мыждасны. Мунамӧй карӧ да висьталамӧй ставсӧ ӧксылӧн йӧзыслы».

1 Каднебӧг 15:18

Налы отсасьысьясӧн индісны Закарӧс, Бенӧс, Язиэлӧс, Шемирамотӧс, Ехиэлӧс, Уннийӧс, Элиавӧс, Бенайӧс, Маасейӧс, Маттитайӧс, Элифелейӧс, Микнейӧс, Овед-Эдомӧс да Евэлӧс. Овед-Эдом да Евэл вӧліны дзиръя видзысьяс.

1 Каднебӧг 16:38

Едутунлысь Овед-Эдом писӧ, сылӧн рӧдысь квайтымын кӧкъямыс мортӧс да Хосӧс Давид индіс крам дзиръя видзысьясӧн.

2 Каднебӧг 23:19

Господьлӧн крам дзиръяяс дорӧ Иодай сувтӧдіс видзысьясӧс, медым крамӧ эз пыр некод, коді абу вӧлі сӧстӧммӧдчӧма.