Ӧксыяслӧн 4 небӧг 6:16 - Коми Библия 2023

¹⁶ «Эн пов, – вочавидзис Елисей. – Налӧн дорысь миян дор сувтысьыс унджык».

Ӧксыяслӧн 4 небӧг 6:16 Referans Kwoze

Римӧ 8:31

Мый та вылӧ шуам? Енмыс кӧ миян дор, коді миянлы паныд?

1 Иоан 4:4

Челядь, ті Енсянь. Ті верминныд ылӧгпророкъясӧс, ӧд тіян пытшкын Олысьыс ёна ыджыдджык муюгыдсасьыс.

Исай 8:10

Мӧвпалӧй да дасьтысьӧй, но тіян мӧвпыштӧманыд оз збыльмы. Сёрнитчӧй ӧта-мӧдныдкӧд, но тіян нинӧм оз артмы. Ӧд миянкӧд Ен!

Петӧм 14:13

Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Матвей 26:53

Он ӧмӧй тӧд, Ме кӧ ӧні кора Батьӧйлысь, Сійӧ мӧдӧдас уна дас сюрс анделӧс.

Псалтыр 27:3

Эн бырӧд менӧ Ентӧг олысьяс да лёк вӧчысьяс лыдын. Йӧзыскӧд найӧ бурнога сёрнитӧны, а сьӧлӧманыс новлӧдлӧны лёксӧ.

Филипӧ 1:28

Энӧ полӧй тіянлы паныд сувтысьясысь, ӧд тіян повтӧмлунныд – налы пас кулӧм вылӧ, а тіянлы – мездмӧм вылӧ. Ставыс тайӧ Енсянь.

2 Каднебӧг 16:9

Господьлӧн синмыс аддзӧ ставнас мусӧ. Сійӧ вынсьӧдӧ найӧс, кодъяслӧн сьӧлӧмныс йитчӧма Сыкӧд. Тэ вӧчин мывкыдтӧма, та вӧсна ӧнісянь тэнад муын лоӧны тышъяс».

Псалтыр 46:7

Сьылӧй Енлы, сьылӧй! Сьылӧй миян Ӧксылы, сьылӧй!

Псалтыр 3:6

Ме вода, узя да чечча, ӧд Господь видзӧ менӧ.

Марк 16:6

Сійӧ шуис налы: «Энӧ полӧй. Ме тӧда, ті корсянныд тувъявлӧм Назаретса Исусӧс. Сійӧ ловзис. Сійӧ тані абу. Видзӧдлӧй куйланінсӧ, татчӧ Сійӧс пуктылісны.

Псалтыр 11:1

Сьылысьясӧн веськӧдлысьлы. Ворсӧны кӧкъямыс струнаа ворсанторйӧн. Давидлӧн псалом.

Олӧм 32:1

Яков водзӧ муніс аслас туйӧд. [Сійӧ видзӧдліс да аддзис Енлысь тышкакотырсӧ.] Сійӧс паныдалісны Енлӧн анделъяс.

Ӧксыяслӧн 4 небӧг 6:15

Водз асывнас Ен мортлӧн кесйӧгыс петіс ывлаӧ да аддзис, мый карсӧ кытшалӧмаӧсь тарантаса тышкайӧз. Кесйӧгыс повзьӧмпырысь юаліс пророклысь: «Ыджыдӧй, мый вӧчны?»

Нав Исус 11:6

Господь шуис Исуслы: «Эн пов наысь. Аски тайӧ кадас Ме сета израильса тышкайӧзлы пасьвартны найӧс. Вӧвъясныслысь кок сӧнсӧ вундав, а тарантасъяссӧ сот».

Еремей 39:17

Но сійӧ лунӧ Ме мезда тэнӧ, – висьталӧ Господь, – тэнӧ оз ло сетӧма сійӧ йӧзыслӧн киӧ, кодъясысь тэ полан.