Ӧксыяслӧн 4 небӧг 5:8 - Коми Библия 2023

⁸ Кор Енлӧн морт Елисейлы кывсис, мый израильса ӧксы косялӧма ассьыс паськӧмсӧ, сійӧ мӧдӧдіс мортӧс да тшӧктіс висьтавны ӧксылы: «Мый вӧсна тэ паськӧмтӧ косялін? Сійӧ мортыс, код вӧсна тэ тадзи вӧчин, мед локтас ме дінӧ да тӧдмалас, мый Израильын эм пророк».

Ӧксыяслӧн 4 небӧг 5:8 Referans Kwoze

Римӧ 11:13

Тіянлы, кодъяс мукӧд войтыръясысь, висьтала: менӧ сувтӧдӧма апостолавны тіянлы, и ме ошйыся аслам кесъялӧмӧн.

Осий 12:13

Господь петкӧдіс Израиль войтырӧс Египетысь, пророк нуӧдіс найӧс, пророк пыр Господь видзис найӧс.

Езекиль 2:5

Кывзас-ӧ тэнӧ тайӧ асныра войтырыс либӧ оз, но найӧ мед тӧдасны, мый на дінӧ воліс пророк.

Ӧксыяслӧн 4 небӧг 5:15

Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

Ӧксыяслӧн 4 небӧг 5:7

Гижӧдсӧ лыддьӧм бӧрын израильса ӧксы косяліс ассьыс паськӧмсӧ да шуис: «Ме ӧмӧй Ен? Мортыслӧн олӧмыс да кулӧмыс ӧмӧй менам киын? Мыйла арамейяслӧн ӧксы мӧдӧдӧма тайӧ мортсӧ ме дінӧ, медым ме бурдӧді сійӧс проказаысь? Аддзанныд, сійӧ корсьӧ помка зыксьыны мекӧд».

Ӧксыяслӧн 4 небӧг 5:3

Нывка шуис Нееманлӧн гӧтырлы: «Ветлас кӧ менам ыджыдӧй Самарияын олысь пророк дінӧ, пророк эськӧ бурдӧдас сійӧс проказасьыс».

Ӧксыяслӧн 4 небӧг 1:6

Найӧ вочавидзисны: «Миянлы паныдасис морт, коді тшӧктіс миянлы бӧр бергӧдчыны ӧксыным дінӧ да шуны, мый Господь тадзи висьталӧ: ”Мыйла тэ мӧдӧдін ассьыд йӧзтӧ юасьны экронса Ваал-Зевув енлысь? Израильын ӧмӧй абу Енмыс? Тэ он чеччы вольпась вывсьыд, кӧні куйлан. Тэ кулан”».

Ӧксыяслӧн 3 небӧг 17:24

Дӧва вочавидзис Иллялы: «Ӧні ме тӧда, мый тэ Енлӧн морт, и Господь збыльысь сёрнитӧ тэ пыр».

Ӧксыяслӧн 2 небӧг 3:31

Давид шуис Йоавлы да став тышкайӧзыслы: «Косялӧй паськӧмнытӧ, пасьталӧй шогалан паськӧм да бӧрдӧй Авенир вӧсна». Ачыс Давид ӧксы восьлаліс шойсӧ нуысьяс бӧрся.

Петӧм 11:8

Став тэнад йӧзыд локтасны меным копыртчыны да корасны менӧ петны татысь войтырӧйкӧд. Сэки ме пета». И Мӧисей муніс фараон дінысь скӧрмӧмӧн.

Ӧксыяслӧн 1 небӧг 9:6

Но кесйӧг шуис: «Тайӧ карас олӧ Енлӧн морт, йӧзыс сійӧс пыдди пуктӧны. Мый сійӧ шуӧ, инӧ. Ветлам сы ордӧ, гашкӧ, сійӧ индас миянлы, кодарланьӧ мунны».

Ӧксыяслӧн 3 небӧг 12:22

Сэки Енлӧн морт Шемайлы вӧлі Енсянь кыв:

Ӧксыяслӧн 4 небӧг 5:9

Аслас вӧвъясӧн да тарантасъясӧн Нееман локтіс Елисей керка дінӧ да сувтіс ӧдзӧс дорас.