Ӧксыяслӧн 4 небӧг 5:7 - Коми Библия 2023

⁷ Гижӧдсӧ лыддьӧм бӧрын израильса ӧксы косяліс ассьыс паськӧмсӧ да шуис: «Ме ӧмӧй Ен? Мортыслӧн олӧмыс да кулӧмыс ӧмӧй менам киын? Мыйла арамейяслӧн ӧксы мӧдӧдӧма тайӧ мортсӧ ме дінӧ, медым ме бурдӧді сійӧс проказаысь? Аддзанныд, сійӧ корсьӧ помка зыксьыны мекӧд».

Ӧксыяслӧн 4 небӧг 5:7 Referans Kwoze

Ӧксыяслӧн 1 небӧг 2:6

Господь босьтӧ олӧм и сетӧ сійӧс, лэдзӧ пыдӧстӧминӧ и лэптӧ сэтысь.

Ӧксыяслӧн 3 небӧг 20:7

Израильса ӧксы чукӧртіс аслас муысь став юрнуӧдысьсӧ да шуис: «Аддзанныд, тайӧ мортыс кӧсйӧ миянлы лёксӧ. Кор сійӧ ыстыліс ассьыс йӧзсӧ висьтавны, мый босьтас менсьым гӧтыръясӧс, пиянӧс да эзысь-зарниӧс, ме сылы паныд эг сувт».

Олӧм 30:2

Яков скӧрмис Ракель вылӧ да шуис сылы: «Ме ӧмӧй Ен, коді оз сет тэныд кынӧмасьнысӧ?»

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.

Лука 11:54

Найӧ зілисны крукыштны Исусӧс, корсисны помка мыжавны Сійӧс.

Осий 6:1

Сьӧкыдаліганыс найӧ пондасны корсьны Менӧ, шуасны: «Бӧр мунамӧй Господь дінӧ! Сійӧ косявліс миянӧс, но Сійӧ и бурдӧдас, Сійӧ дойдаліс миянӧс, но Сійӧ и кӧрталас дойяснымӧс.

Даниил 2:11

Ӧксы юасьӧ сэтшӧм сьӧкыдтор йылысь, мый некод оз вермы вочавидзны сылы енъяс кындзи, кодъяс оз овны йӧз пӧвстын».

Ап. уджъяс 14:14

Тайӧс кылӧм бӧрын апостолъяс, Варнава да Павел, косялісны паськӧмнысӧ да котӧрӧн уськӧдчисны йӧз чукӧр пытшкӧ, пондісны гораа шуавны:

Матвей 26:65

Сэки аркирей косяліс ассьыс паськӧмсӧ да шуис: «Сійӧ Енмӧс омӧльтӧ! Висьталысьяс миянлы оз нин ковны, ті асьныд кывлінныд Сылысь омӧльтӧмсӧ.

Еремей 36:24

Ни ӧксы, ни сылӧн чина йӧзыс эз повзьыны, эз косявлыны ассьыныс паськӧмнысӧ, кор найӧ кылісны гижӧм кывъяссӧ.

Ӧксыяслӧн 4 небӧг 18:37

Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ.

Ӧксыяслӧн 4 небӧг 11:14

Сэні аддзис, мый джуджыд пос вылын сулалӧ ӧксы. Сыкӧд орччӧн сулалісны тышкайӧзӧн веськӧдлысьяс да трубаӧн ворсысьяс. Став войтырыс нимкодясис да тутсіс трубаясӧ. Сэки Аталия косяліс ассьыс паськӧмсӧ да горӧдіс: «Вузалісны! Менӧ вузалісны!»

Индӧд 32:29

Вӧліны кӧ мывкыдаӧсь, эськӧ казялісны тайӧс, эськӧ гӧгӧрвоисны, мый найӧс виччысьӧ.

Лыд 14:6

Навлӧн Исус пиыс да Ефуннилӧн Калев пиыс, кодъяс мукӧдыскӧд ветлісны видзӧдлыны Ханаан му, косялісны паськӧмнысӧ

Олӧм 37:29

Кор Рувим локтіс юкмӧс дорӧ да аддзис, мый Ӧсип вокыс абу сэні, косяліс ассьыс паськӧмсӧ.

Ӧксыяслӧн 4 небӧг 5:6

Нееман локтіс израильса ӧксы дінӧ да сетіс сылы гижӧдсӧ. Сэні вӧлі гижӧма: «Тайӧ гижӧдсӧ ваяс тэныд менам Нееман кесъялысьӧй. Ме мӧдӧді сійӧс тэ дінӧ, медым тэ бурдӧдін сійӧс проказаысь».

Олӧм 50:19

Ӧсип шуис: «Энӧ полӧй. Ме ӧд абу Ен.

Ӧксыяслӧн 2 небӧг 1:11

Сэки Давид косяліс ассьыс паськӧмсӧ. Йӧзыс, кодъяс вӧліны сыкӧд, тшӧтш тадзи вӧчисны.