Ӧксыяслӧн 4 небӧг 5:24 - Коми Библия 2023

²⁴ Кор найӧ воисны ыбвывса карӧ, Гезий босьтіс Нееманлӧн кесйӧгъяслысь козинсӧ да дзебис гортас. Сэсся тшӧктіс кесйӧгъяслы мунны.

Ӧксыяслӧн 4 небӧг 5:24 Referans Kwoze

Ӧксыяслӧн 3 небӧг 21:16

Ахав кор кыліс, мый [изреельса] Навот кулӧма, [косяліс ассьыс паськӧмсӧ да пасьталіс шогалан паськӧм, сэсся] муніс да босьтіс изреельса Навотлысь виноград йӧрсӧ.

Нав Исус 7:21

Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».

Нав Исус 7:1

Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Аввакум 2:6

Но ставныс найӧ лэптасны сійӧс серамвыв, лӧсьӧдласны сы йылысь омӧльтана сьыланкывъяс: – Курыд шог сылы, коді горшсӧ паськӧдӧ йӧз эмбур вылӧ, коді озырмӧдчӧ водзӧс сетӧмӧн. Тадзи оз дыр ло!

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»