Biblia Todo Logo
Bib sou entènèt

- Piblisite -




Ӧксыяслӧн 4 небӧг 5:15 - Коми Библия 2023

15 Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

Gade chapit la Kopi




Ӧксыяслӧн 4 небӧг 5:15
25 Referans Kwoze  

Ӧксы шуис Данииллы: «Збыльысь, тіян Енныд – енъяслӧн Ен да ӧксыяслӧн Ыджыдыс. Сійӧ – гусятор Восьтысь, ӧд тэ вермин восьтны тайӧ гусяторсӧ».


Та вӧсна лыдди коланаӧн водзвыв мӧдӧдны тіян дінӧ вокъясӧс, медым чукӧртны кӧсйысьӧм сетӧмторнытӧ. Сэки тайӧ лоӧ ас кадӧ дасьтӧм да сьӧлӧмсянь сетӧмтор, а оз мырдӧн перйӧмтор.


Сьӧлӧмнад эскӧмыд вӧчӧ веськыдӧн, вомнад висьталӧмыд – мездӧ.


Ми мыж вӧчим, лёк вӧчим, Тэысь кежим, быдторйын мыжмим.


медым асыввывсянь рытыввылӧдз ставныс тӧдмаласны, мый Ме кындзи мӧд Енмыс абу, Ме – Господь, и мӧдыс абу!


Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.


Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.


Кор Енлӧн морт Елисейлы кывсис, мый израильса ӧксы косялӧма ассьыс паськӧмсӧ, сійӧ мӧдӧдіс мортӧс да тшӧктіс висьтавны ӧксылы: «Мый вӧсна тэ паськӧмтӧ косялін? Сійӧ мортыс, код вӧсна тэ тадзи вӧчин, мед локтас ме дінӧ да тӧдмалас, мый Израильын эм пророк».


Рытъя вись ваян кадӧ Илля пророк матыстчис висьпуктанін дорӧ да [енэжас видзӧдӧмӧн гораа] шуис: «Господьӧй, Ӧвраамлӧн, Исааклӧн да Израильлӧн Ен! [Кыв менӧ, Господьӧй, кыв менӧ талун би пытшсянь!] Талун мед тӧдмаласны тайӧ йӧзыс, мый Тэ – Израильлӧн Ен, и мый ме – Тэнад кесйӧг. Найӧ мед аддзасны, мый ме ставсӧ вӧчи Тэнад тшӧктӧм серти.


Ыджыдӧй, тайӧ козинъяссӧ ме, тэнад кесйӧг, вайи тэныд да тэнад кесйӧгъяслы.


Найӧ вочавидзисны: «Ми, тэнад кесйӧгъяс, локтім зэв ылі муысь. Ми кывлім тіян Господь Енлӧн выныс йылысь. Кывлім, мый Сійӧ вӧчис Египетын


Ӧні ме, Навукодоносор, ошка-нимӧда да ыдждӧдла енэжвывса Ӧксыӧс. Сылӧн уджъясыс збыльӧсь да туйясыс веськыдӧсь. Сійӧ вермӧ раммӧдны вылӧ кыпӧдчысьясӧс».


Босьт менсьым козинӧс. Енмыс меным уна сетіс, менам ставыс эм». Яков ёна корис Исавӧс босьтны козинъяссӧ, и сійӧ босьтіс.


Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.


Саул воча шуис кесйӧгыслы: «Мунам кӧ, мый ми сетам сылы? Нянь нопным куш, весиг козинтор абу, мед сетны Енлӧн мортлы. Мый миян эм?»


Сэсся ӧксы шуис Енлӧн мортлы: «Лок мекӧд, мунам менам гортӧ, ме тэнӧ верда-юктала, нӧшта тэныд козин сета».


Езекей пондіс кевмысьны: «Господьӧй, Израильлӧн Енмӧй! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.


Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».


Swiv nou:

Piblisite


Piblisite