Ӧксыяслӧн 4 небӧг 4:26 - Коми Библия 2023

²⁶ Мун котӧрт сылы воча да юав, ставыс-ӧ сылӧн бур. Дзоньвидзаӧсь-ӧ верӧсыс да пиыс?» Ань вочавидзис кесйӧглы, мый ставыс бур.

Ӧксыяслӧн 4 небӧг 4:26 Referans Kwoze

Ап. уджъяс 15:36

Кутшӧмкӧ кад мысти Павел шуис Варнавалы: «Мунам да выльысь кытшовтам сійӧ каръяссӧ, кӧні ми висьтавлім Господьлысь кывсӧ, тӧдмалам, кыдзи олӧны миян вокъяс».

Ӧксыяслӧн 1 небӧг 17:18

А тайӧ дас сыр ёкмыльсӧ ну сюрсӧн веськӧдлысьыслы. Тӧдмав вокъясыдлӧн дзоньвидзалун йылысь, гашкӧ, налы мыйкӧ колӧ».

Псалтыр 39:9

Енмӧй, ме кӧсъя збыльмӧдны Тэнсьыд кӧсйӧмтӧ, Тэнад Индӧдыд олӧ менам сьӧлӧмын».

Ӧксыяслӧн 4 небӧг 4:23

«Мыйла талун сы дінӧ муннысӧ? – юаліс верӧсыс. – Талун ӧд абу выль тӧлысь пасъян лун и абу шойччан лун». Ань вочавидзис: «Эн тӧждысь, ставыс бур».

Ӧксыяслӧн 1 небӧг 3:18

Самуил висьталіс ставсӧ, нинӧм эз дзеб Илийысь. Сэки Илий шуис: «Сійӧ – Господь. Мед вӧчас, мый кӧсйӧ».

Олӧм 37:14

Израиль шуис сылы: «Мун да видзӧдлы, дзоньвидзаӧсь-ӧ тэнад вокъясыд да ставыс-ӧ бур ыжъяскӧд. Сэсся лок да висьтав меным». Ӧсип мӧдӧдчис Хеврон ковтыссянь да воис Сикемӧ.

Олӧм 29:6

«Дзоньвидза-ӧ сійӧ?» – юаліс Яков. Найӧ шуисны: «Дзоньвидза. Со, сылӧн Ракель нылыс ыжъяссӧ вайӧдӧ».

Закар 2:4

да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ.

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Ӧксыяслӧн 2 небӧг 18:29

Ӧксы юаліс: «Ловъя-ӧ менам Авессалом пиӧй?» Ахимаас вочавидзис: «Ӧксыӧй-ыджыдӧй, кор тэнад Йоав кесйӧгыд мӧдӧдіс менӧ татчӧ, сылӧн йӧзыс вӧлі ёна шызьӧмаӧсь. А мый сэні вӧлі, ме ог тӧд».

Ӧксыяслӧн 4 небӧг 4:25

Ань петіс туйӧ. Сійӧ воис Енлӧн морт дінӧ Кармил керӧс вылӧ. Енлӧн морт ылісянь аддзис аньӧс. Сійӧ шуис Гезий кесйӧгыслы: «Видзӧд, шунемса аньыд локтӧ.

Ӧксыяслӧн 4 небӧг 4:27

Керӧс вылӧ Енлӧн морт дінӧ воӧм бӧрын ань уськӧдчис да шашаритчис сылы кокас. Гезий матыстчис, мед вештыны сійӧс, но Енлӧн морт шуис: «Эн вӧрӧд. Сылӧн ыджыд шог. Господь дзебис тайӧс меысь, и эз висьтав меным».

Ӧксыяслӧн 4 небӧг 5:22

«Ставыс бур, – вочавидзис Гезий. – Ыджыдӧй ыстіс менӧ висьтавны, мый Ефрем керӧсвыв муысь локтісны сы дінӧ кык том пророк-велӧдчысь. Корӧ, мед тэ сетін налы ӧти талант эзысь да кык вӧччан паськӧм».

Олӧм 43:27

Сійӧ чолӧмасис накӧд да юаліс: «Дзоньвидза-ӧ тіян пӧрысь батьныд, код йылысь ті сэки висьтавлінныд? Ловъя-ӧ на?»